09:19, 24 - قاراشا 2015 | GMT +5
قازاقستاندىق سپورتشى قۇلجا قالاسىندا قارسىلاسىن ءبىرىنشى راۋندتا ۇرىپ جىقتى - كەسكىن
استانا. قازاقپارات - قازاقستاندىق سپورتشى قۇلجا قالاسىندا WBK تۇجىرىمداماسى بويىنشا الەم چەمپيونىنىڭ بەلبەۋىنە تالاستى. بۇل تۋرالى «قامشى» پورتالى حابارلايدى.
قۋات حاميتوۆتىڭ قارسىلاسى شۆەتسيالىق تانىمال سپورتشى الكا ماتيەۆا بولدى. ول بۇعان دەيىن كيكبوكسينگپەن اينالىسقان. كاسىپقوي رينگتە 42 كەزدەسۋ وتكىزىپ، 5 ەۋىن جەڭگەن، ءبىر كەزدەسۋدى تەڭ ناتيجەمەن اياقتاعان.
چەمپيوندىق اتاققا بارار جولدا قۋات قىتايدا ءۇش جەكپە-جەك وتكىزىپ، ۇشەۋىندە دە جەڭىسكە جەتكەن بولاتىن.
قۋات حاميتوۆ ەرەجەسىز جەكپە-جەكتەن قازاقستان نامىسىن ابىرويمەن قورعاپ جۇرگەن سپورتشى. سپورتتان بولەك، ول قايىرىمدىلىق ىستەرىمەن دە جانكۇيەرلەر كوزىنە ءتۇسىپ ءجۇر.
