التاي رەسپۋبليكاسىنىڭ تۋماسى ماسكەۋدە وتكەن قازاق اندەرى بايقاۋىندا جەڭىمپاز اتاندى

استانا. قازاقپارات - 20 قاراشا كۇنى ماسكەۋدە جاستار اراسىندا 3- «التىن كۇز» قازاق اندەرى بايقاۋى ءوتتى. شارا قازاقتىڭ مۋزىكا ونەرىن، جاستار اراسىندا دوستىق پەن باۋىرلاستىق قۇندىلىقتارىن ناسيحاتتاۋعا، رەسەي مەن قازاقستان حالىقتارى اراسىندا ىنتىماقتاستىقتى نىعايتۋعا باعىتتالعان.

فەستيۆالدى ماسكەۋلىك «مۇراگەر» قازاق مادەنيەتى قوعامى جانە «قازاق دياسپوراسى» قورى وتكىزدى، وعان قازاقستان جانە رەسەي ەلشىلىكتەرى، ەۋرازيالىق ەكونوميكالىق كوميسسيا ءتارىزدى ۇيىمدار قولداۋ كورسەتتى.

ىرىكتەۋ تۋرىنىڭ ناتيجەلەرى بويىنشا اقتىق سىنعا وتكەندەر اراسىندا التايلىق ازامات تا بولدى. وندا 15 رەسەيلىك جانە قازاقستاندىق باقتارىن سىنادى.

بايقاۋ قورىتىندىسى بويىنشا ونىڭ جەڭىمپازى 20 جاسار التاي رەسپۋبليكاسىنىڭ تۋماسى ازامات ەسىموۆ اتاندى. ول 1995 - جىلى التاي رەسپۋبليكاسىنىڭ كوش- اگاچ اۋدانىنىڭ جانا- اۋل اۋىلىندا تۋعان. بۇدان بۇرىن دا ءبىرقاتار بايقاۋلارعا قاتىسقان.