كوكشەتاۋدا تەرروريزمدى ناسيحاتتاعان ەر ادام انىقتالدى

استانا. قازاقپارات - قىلمىستىق اتقارۋ جۇيەسىنىڭ (ق ا ج) قىزمەتكەرلەرى قۇقىق قورعاۋ ورگاندارىنىڭ قۇرىلىمدارىمەن بىرلەسىپ راديكالدى ەكسترەميزم مەن تەرروريزم يدەيالارىن تاراتىپ جۇرگەن ەر ادامدى انىقتادى،

دەپ حابارلادى اقمولا وبلىسى بويىنشا ق ا ج دەپارتامەنتىنەن.

«ە ت س-166/23 مەكەمەسىنىڭ قىزمەتكەرلەرىنە ۇرلىق جاسادى دەگەن كۇدىكپەن ۇستالعانداردىڭ ءبىرى تەرروريزمدى ناسيحاتتاۋمەن بايلانىستى تاعى ءبىر قىلمىس جاسادى دەگەن اقپارات كەلىپ ءتۇستى»، - دەدى اقمولا وبلىسى بويىنشا ق ا ج دەپارتامەنتىنىڭ ە ت س-166/23 مەكەمەسىنىڭ باسشىسى ارمان قاسىموۆ.

 «بۇل اقپاراتتى قۇقىق قورعاۋ ورگاندارى مۇقيات تەكسەرىپ، ول راستالدى. 22 جاستاعى وبلىس تۇرعىنى ق ر  ق ك 256-بابىندا قاراستىرىلعان قىلمىستى جاساعانىن مويىندادى. تەرگەۋ امالدارى باستالدى»، - دەدى ا. قاسىموۆ.