قىرعىزستاندا جەر سىلكىنىسى سالدارىنان ءتورت مىڭعا جۋىق عيمارات بۇلىنگەن
بۇل تۋرالى جەكسەنبى كۇنى رەسپۋبليكا پارلامەنتىنە سىلتەمە جاساپ ر ي ا نوۆوستي حابارلاپ وتىر.
سەيسەنبى جانە سارسەنبى كۇنى قىرعىزستاندا قۋاتتىلىعى 7 بالعا دەيىن جەتكەن بىرنەشە جەر سىلكىنىسى بولدى. قازا تاپقاندار مەن زارداپ شەككەندەر جوق. جەر سىلكىنىسىنىڭ وشاعى ەلدىڭ وڭتۇستىگىندە، وش وبلىسىنىڭ قاراسۋ اۋدانىندا ورنالاسقان. ەل بيلىگىنىڭ مالىمەتتەرىنشە، تابيعي ءزىلزالا سالدارىنان 200 دەن استام ءۇي اپاتتىق جاعدايدا بولىپ، 50 دەن استام الەۋمەتتىك نىسان ءتۇرلى بۇلىنۋلەرگە ۇشىرادى جۇما جانە سەنبى كۇندەرى تاعى ءتورت جەراستى ءدۇمپۋى بولدى، ولاردىڭ ماگنيتۋداسى 5,1 گە جەتكەن. قىرعىزستاننىڭ ەلدى مەكەندەرىندە جەراستى دۇمپۋلەرىنىڭ كۇشى 5 بالعا دەيىن جەتكەن. وسى ۋاقىت ارالىعىندا قىرعىزستاندا 7 كۇشتى جەر سىلكىسىنى بولعان.
«جوگوركۋ كەنەش ءتوراعاسى اسىلبەك جەەنبەكوۆتىڭ تاپسىرماسىمەن، 21 -قاراشا كۇنى دەپۋتاتتار توبى جەر سىلكىسىنىنەن زارداپ شەككەن وش وبلىسىنىڭ اۋداندارىنا بارىپ، وندا قالىپتاسقان جاعدايمەن، كورسەتىلىپ وتىرعان كومەكپەن تانىسىپ ءوتتى. ۇكىمەتتىڭ وش وبلىسىنداعى وكىلەتتى وكىلىنىڭ ءبىرىنشى ورىنباسارى بايىش يۋسۋپوۆتىڭ اقپاراتى بويىنشا جەر سىلكىنىسى سالدارىنان 4 مىڭنان استام عيمارات بۇلىنگەن»، - دەپ حابارلادى اگەنتتىكتىڭ سۇحباتتاسۋشىسى.
ەل بيلىگىنىڭ مالىمەتتەرىنشە، ءبىرىنشى 7 بالدىق سىلكىنۋ كەزىندە كوپتەگەن ۇيلەردە جارىقتار پايدا بولعان. ولار ودان كەيىن بولعان دۇمپۋلەردەن كەيىن ۇلعايعان.
ت ج م جەلىسى بويىنشا زارداپ شەككەن اۋدانداردا ون جانە وتىز ورىندىق 300 قىسقى شاتىر ورناتىلىپ، 130 جىلىتقىش قويىلعان، جىلىتىلعان كونتەينەرلەر مەن كيىز ۇيلەر تىگىلىپ، كورپەلەر مەن ازىق- تۇلىكتەر بەرىلىپ جاتىر. پاناسىز قالعانداردى ورنالاستىرۋ ءۇشىن تاعى كەم دەگەندە 500 جىلىتىلعان كونتەينەر قاجەت، دەپ اتاپ ءوتتى باسپا ءسوز قىزمەتىنەن.
