قازاقستاندا العاش رەت وزدىگىنەن جۇرەتىن ارتيللەريالىق قوندىرعىلاردى جوندەۋ جۇرگىزىلەدى
دەپ حابارادى ق ر قورعانىس مينيسترلىگىنىڭ باسپا ءسوز قىزمەتىنەن.
«سەمەي ينجينيرينگ» ا ق زاۋىتى قىزمەتىنىڭ نەگىزگى باعىتى قورعانىس مينيسترلىگى مەن ەلىمىزدىڭ كۇشتىك ۆەدومستۆولارىنىڭ ساۋىتتى تانك تەحنيكاسىن كۇردەلى جوندەۋدى جۇرگىزۋ جانە جاڭعىرتۋ بولىپ تابىلادى. 2011 - جىلدان باستاپ كاسىپورىندا جاڭعىرتۋدىڭ ءبىرىنشى كەزەڭى جۇزەگە اسىرىلدى. ونىڭ بارىسىندا كاسىپورىننىڭ ينجەنەرلىك ينفراقۇرىلىمى اعىمدىق جوندەۋدەن وتكىزىلدى. وسىلايشا زاۋىت پايدالانۋعا بەرىلگەن ت-72 تانكتەرىن كۇردەلى جوندەۋدى جۇزەگە اسىرۋ ءۇشىن زاماناۋي جابدىققا يە بولدى.
«ەكىنىش كەزەڭ اياسىندا 2012 - جىلى ءتيىستى وندىرىستىك الاڭدار قايتا قۇراستىرىلدى، سونداي- اق ت-72 تانكتەرى مەن وزدىگىنەن جۇرەتىن ارتيللەريالىق قوندىرعىلاردى كۇردەلى جوندەۋگە ارنالعان جاڭا سەحتىڭ قۇرىلىسى باستالدى. قازىرگى ۋاقىتقا دەيىن قازاقستاندا وزدىگىنەن جۇرەتىن ارتيللەريالىق قۇرىلعىلاردىڭ جوندەلۋى جۇرگىزىلمەگەنىن ايتا كەتكەن ءجون»، - دەلىنگەن حابارلامادا.
ۆەدومستۆونىڭ اتاپ وتۋىنشە، «سەمەي ينجينيرينگ» ا ق- تىڭ اعىمداعى جىلى ىسكە قوسىلاتىن ءتيىستى قۇجاتتاما مەن جابدىققا يە. جاڭعىرتۋدىڭ ارقاسىندا بۇگىندە «سەمەي ينجينيرينگ» ا ق- تىڭ وندىرىستىك قۋاتتىلىعى ساۋىتتى تەحنيكانىڭ بارلىق تۇرلەرىن كۇردەلى جوندەۋدەن وتكىزۋدە قازاقستان رەسپۋبليكاسى قارۋلى كۇشتەرىنىڭ قاجەتتىلىگىن تولىققاندى قاناعاتتاندىرۋعا مۇمكىندىك بەرەدى.
اۆتور: مارلان جيەمباي
