جاپونيا لاڭكەستەرمەن كۇرەسۋدەن باس تارتتى

 استانا. قازاقپارات - جاپونيا سوعىس وپەراتسيالارىنا قاتىسپاي، لاڭكەستىكتەن زارداپ شەككەندەرگە گۋمانيتارلىق كومەك كورسەتۋگە شەكتەۋ قويۋعا نيەتتى. بۇل تۋرالى ر ي ا نوۆوستيگە بەرگەن سۇحباتىندا ەل پرەمەرىنىڭ باسپا ءسوز حاتشىسى سيندزو ابە ياسۋحيسا كاۆامۋرا ايتىپ بەردى.

"جاپونيا مۇنىمەن كۇرەسۋدىڭ باسقا جولىن تاڭدادى. بۇل گۋمانيتارلىق مىندەت بولادى. ءبىز بۇعان دەيىن دە وسىلاي جاسادىق، ءارى قاراي دا وسىلاي ەتەمىز"، - دەدى كاۆامۋرا. ونىڭ ايتۋىنشا، "گۋمانيتارلىق مىندەت" - قاشقىندارعا كومەكتەسىپ، ولارعا جۇمىس ورنىن اشىپ بەرۋ. بۇل الەمدە ەكسترەميزمنىڭ تومەندەۋىنە الىپ كەلەدى.

ەسكە سالا كەتەيىك، جاقىندا عانا رەسەيلىك جانە فرانسۋزدىڭ اۋە كۇشتەرى سيريادا د ا ي ش- قا سوققى جاساعان بولاتىن. جارىلىستار سالدارىنان 33 سودىر قازا تاپتى. فرانسيا اۋە سوققىسىن پاريجدەگى تەراكتىلەرگە جاۋاپ رەتىندە جاسادى.

tengrinews.kz