ۇل بالالاردىڭ تۋىلۋى نەگە ازايدى؟

 استانا. قازاقپارات - سوڭعى كەزدەرى كوز الدىمىزدا بولىپ جاتقان ءىرى لاڭكەستىك ارەكەتتەر بارلىق مەملەكەتكە زاردابىن تيگىزىپ جاتىر. اسىرەسە، ەل دەموگرافياسى دامۋىنا كەرى اسەرىن تيگىزەدى.

 الەمدە ومىرگە كەلەتىن ۇل بالا سانى، قىز بالاعا قاراعاندا ازايىپ جاتىر. زەرتتەۋشى ۆيكتور گرەچ ونىڭ سەبەبى وسى لاڭكەستىك ارەكەتتەر ەكەنىن دالەلدەپ، Early Human Development باسىلىمىندا جاريالاعان.

دۇنيەگە كەلگەن ۇلدار مەن قىزداردىڭ اراقاتىناسى حالىقتانۋشى ماماندار ءۇشىن ماڭىزدى ەكەنى بەلگىلى. ۆيكتور گرەچ ءىرى- ءىرى لاڭكەستىك جانە داعدارىستىق كەزەڭدەردە بالا تۋۋعا ساناق جۇرگىزگەن. ول سونداي جاعدايلارعا دەيىنگى جانە كەيىنگى ۇل بالالاردىڭ تۋىلۋىن سالىستىرىپ، سايكەستىك انىقتاعان.

ۇل بالالار تۋىلۋىنىڭ ازايۋ سەبەبى نەدە؟ عالىمنىڭ ويىنشا، بۇل جاعدايدىڭ تۇبىندە كۇيزەلىس جاتىر. كۇيزەلىس اسەرىنەن بالا ءتۇسىرىپ الۋ كوبەيەدى، سونىڭ ىشىندە ەر جىنىستىلاردى ءتۇسىرىپ الۋ ىقتيمالدىعى جوعارى.

نيۋ- يورك ۋنيۆەرسيتەتىنىڭ عالىمدارى جاقىندا وسىعان ۇقساس شەشىم شىعاردى. زەرتتەۋشىلەر ايتۋىنشا، ۇل بالاعا اياعى اۋىر ادام العاشقى كەزدە كوپ تۇسىك تاستاۋى مۇمكىن ەكەن. سەبەبى قىز بالاعا جۇكتىلىك كەزەڭىنە قاراعاندا، ۇل بالا كوتەرۋ ايەل ادام اعزاسىنا كوپ كۇش تۇسىرەدى.

massaget.kz