ۆيتسە-مينيستر ەڭبەك نارىعىندا جوعارى سۇرانىسقا يە سالالاردى اتادى

استانا. قازاقپارات - بۇگىن «ەكسپەرت» ساراپشىلار كلۋبىنىڭ كەزەكتى وتىرىسىنا قاتىسا وتىرىپ، «قازىر قازاقستاندىق ءبىلىم باسەكەگە قابىلەتتى مە؟» دەگەن ساۋال توڭىرەگىندەگى پىكىر الماسۋعا قاتىسقان ءبىلىم جانە عىلىم ۆيتسە-ءمينيسترى تاحير بالىقبايەۆ قازىر قازاقستاننىڭ ەڭبەك نارىعىندا كوپ سۇرانىسقا يە سالالاردى اتادى.

«ەڭبەك نارىعىندا سۇرانىسقا يە سالالار - ماشينا قۇراستىرۋ، ەلەكتر ەنەرگەتيكا، تاۋ-كەن مەتاللۋرگيا سالاسى، سونداي-اق، تاماق ونەركاسىبى مەن اقپاراتتىق- كوممۋنيكاتسيا تەحنولوگياسى سالالارى. مىنە، ءبىز مەملەكەتتىك گرانتتاردى وسى جانە وزگە دە باعىتتارعا قاراپ، بولەمىز. ياعني، مەملەكەتتىك تاپسىرىس (مەملەكەتتىك گرانت) ءبىزدىڭ ەكونوميكامىزعا، ءبىزدىڭ يندۋستريامىزعا قاراي جاسالادى»، - دەپ ءمالىم ەتتى ت. بالىقبايەۆ.

ۆيتسە-ءمينيستردىڭ ايتۋىنشا، جالپى، قازاقستاندا مەكتەپ تۇلەكتەرىنىڭ %60 جوعارى وقۋ ورنىنا وقۋعا قابىلدانادى. وسى كورسەتكىشكە گرانتتا وقيتىن ستۋدەنتتەرمەن قاتار، اقىلى نەگىزدە ءبىلىم الاتىن جاستار دا قوسىلىپ وتىر.

ونىڭ ۇستىنە، ت. بالىقبايەۆ اتاپ وتكەندەي، نارىقتا سۇرانىس تومەن بولسا دا، ەكونوميست جانە زاڭگەر ماماندىقتارىن تاڭدايتىن تۇلەكتەر كوپ.

«اقىلى نەگىزدە ەكونوميست، زاڭگەر، قارجى ماماندىعىنا وقيتىن جاستار كوپ. بۇل، ارينە، ءار بالانىڭ جانە اتا- اناسىنىڭ تاڭداۋى. دەگەنمەن، ءبىز مەملەكەتتىك تاپسىرىستى ەڭبەك نارىعىنداعى سۇرانىسقا ساي قالىپتاستىرامىز»، - دەدى ت. بالىقبايەۆ.

اۆتور: كەنجەكەي توقتامۇرات قىزى