استانادا جاڭا تەمىرجول ۆوكزالى ەستاكاداسىنىڭ قۇرىلىسى جۇرگىزىلۋدە

استانا. قازاقپارات - استانا قالاسىنداعى جاڭا ۆوكزالدا تەمىرجول ەستاكاداسىنىڭ قۇرىلىسى جۇرگىزىلىپ جاتىر، دەپ حابارلايدى «قازاقستان تەمىر جولى» ۇلتتىق كومپانياسى » ا ق باسپا ءسوز قىزمەتىنەن.

«ۆوكزال كەشەنىنىڭ قۇرىلىسىن قوسا وتىرىپ، استانا ستانساسىنىڭ تەمىرجول تورابىن دامىتۋ» جوباسى اياسىندا قۇرىلىس جۇمىستارى كەستەگە ساي جۇرگىزىلىپ جاتىر»، - دەدى «ق ت ج» ۇ ك» ا ق «ءىرى جوبالاردى جۇزەگە اسىرۋ ديرەكسياسى» فيليالىنىڭ ديرەكتورى ۆلاديمير كلينگ.

ول سونداي- اق ۇزىندىعى 2550 مەتر ەستاكادا 87 تىرەككە بەكىتىلەتىنىن، نىساندا التى قابىلداۋ- جونەلتۋ جولدارى مەن ۆوكزالدىڭ كەڭەيۋىنە بايلانىستى جەتىنشى جولدى ەسكەرىپ قۇرىلىس جۇرگىزىلىپ جاتقانىن اتاپ ءوتتى. قازىر  15154 توننا ارالىق قۇرىلىس مەتالدارى ورناتىلعان.

ۆ. كلينگتىڭ ايتۋى بويىنشا، نىسان قۇرىلىسىنا 1400 مامان مەن جۇمىسشى كۇشى جۇمىلدىرىلىپ وتىر.

قازىرگى استانا تەمىرجول ۆوكزالى تاۋلىگىنە 7000 جولاۋشىعا قىزمەت كورسەتسە، جاڭا ۆوكزالدىڭ جولاۋشىلاردى قابىلداۋ مۇمكىندىگى تاۋلىگىنە  35000 جولاۋشىنى قۇرايتىن بولادى.

قالاداعى «مىڭجىلدىڭ» اللەياسىنىڭ ماڭىندا بوي كوتەرەتىن جاڭا تەمىرجول ۆوكزالى 2017 - جىلدىڭ ناۋرىز ايىندا پايدالانۋعا بەرىلەدى دەپ جوسپارلانۋدا.