دۇنيەدەگى ەڭ قىمبات نارسە - ناۋقاس جاتقان توسەك - ستيۆ دجوبس

استانا. قازاقپارات - ستيۆ دجوبستىڭ وتكەن ءومىرى مەن اتقارعان قىزمەتى ادامزاتتىڭ تەحنولوگياسى تاريحىنا توڭكەرىس جاسادى.

نەبارى 56  جىل عانا ءومىر ءسۇرىپ ادامزات ءۇشىن عاسىرلىق جۇمىس جاساپ كەتكەن ستيۆ دجوبستىڭ شىن مانىندەگى ارمانى نە ەدى؟

دۇنيە، اتاق، بايلىقتىڭ تۇبىنە كىم جەتتى... وسى جايىنداعى ستيۆتىڭ ءومىرىنىڭ سوڭعى ساتىندە بالالارىنا ارناپ جازعان حاتى كۇللى ادامزاتقا وي سالارى شىندىق...

«مەن ءوز باسىم بيزنەستىڭ ەڭ بيىك شىڭىنا جەتىپ كورگەن اداممىن. وزگەلەردىڭ كوزىنە مەنىڭ ءومىرىم جەتىستىككە تولى بولعان سياقتى كورىنەدى. جۇمىستان تىس باسقا نارسەدەن باقىت تاباتىن نارسە مەنىڭ ومىرىمدە وتە از بولاتىن، بايلىق اقشا، داۋلەت ءومىردىڭ ءبىر بولىگى عانا، سوعان مەنىڭ ءومىرىم داعدىلانىپ ۇيرەنگەن.

ءدال وسىنداي ساتتە، جازىلماس دەرتكە شالدىققانىمدى ءبىلىپ توسەكتە جاتىپ، ءجۇرىپ وتكەن جولىمدى قايتا ءبىر قاراعاندا، ولىمگە بەتپە- بەت كەلەتىن ۋاقىت تاياعان سايىن اقشا داۋلەت، دۇنيەممەن ماستانىپ جۇرگەنىمنىڭ ەشقانداي دا ءمان ماعىناسىز، تۇككە تاتىمايتىنىن ءتۇسىنىپ جاتىرمىن.

شىمقاي قاراڭعى، مەن جانساقتاۋ بولىمىندەگى اپپاراتۋرانىڭ جاسىل ساۋلەسىن كورىپ، ودان شىعىپ جاتقان شۋىلداق دىبىستى ەستىپ جاتىرمىن. ماعان اجال تەز جاقىنداپ كەلە جاتقان سياقتى سەزىلەدى.

بارلىعىمىز ومىرىمىزگە جەتەرلىكتەي دۇنيە مۇلىك، اقشا جيناعان سوڭ بارىپ، دۇنيە مۇلىكتەن باسقا نارسەنى ارمانداۋ كەرەك ەكەنىن ەندى عانا ءتۇسىنىپ جاتىرمىن. ادامدار بىزدەر دۇنيە مۇلىكتەن باسقا نارسەلەرگە نازار اۋدارۋىمىز كەرەك ەكەن: مۇمكىن كىشكەنتايىڭىزدان ارمانداعان نارسەنى، سۇيىسپەنشىلىك پەن ماحابباتتى، شىعارماشىلىقپەن ونەردى.

دۇنيە- مۇلىكتىڭ ارتىنان تىنىمسىز قۋا بەرەتىن بولساڭىز تۇبىنە جەتە الماي، سەبەبىن تۇسىنە المايتىن بولاسىز، ءدال مەن سياقتى.

جاراتقان بىزگە دۇنيە- مۇلىككە بايلانعان جۇرەك ەمەس، بارلىق ادامعا سۇيىسپەنشىلىكپەن قارايتىن سونداي مەيىرىمدى جۇرەك سىيلاعان.

تىرشىلىگىمدە جيناعان دۇنيە مۇلكىمدى مەن وزىممەن بىرگە الىپ كەتە المايمىن. تەك جاقسى كورەتىن ادامدارىمىڭ ماعان باعا جەتپەس سىيلاعان ەستەلىكتەرىن عانا الىپ كەتە الامىن. تەك عانا سولار ومىردەگى ماحاببات، مەيىرىمدىلىك عانا سەنىمەن بىرگە، سونىمەن قاتار ۇنەمى سەرىك بولىپ، سەنىڭ جۇرەتىن جولىڭدى جارقىراتىپ وتىراتىن ەرىك جىگەر بەرەدى.

ماحاببات مىڭداعان كەدەرگىنى جەڭەدى. ءومىردىڭ شەگى جوق. قايدا بارعىڭ كەلسە، سولاي ءجۇر. ءوزىڭنىڭ قويعان ماقساتىڭا جەت. وسىنىڭ بارلىعى تەك عانا سەنىڭ قولىڭدا.

ەگەر ادامدار مەننەن: «اقشاعا ساتىپ الۋعا بولمەيتىن، ەڭ قىمبات توسەك قانداي توسەك؟» دەپ سۇراسا مەن: «ناۋقاس جاتقان توسەك» دەپ جاۋاپ بەرەم...

ومىرىڭدە سەن ءوزىڭنىڭ ورنىڭا كولىگىڭدى ءمىنىپ قالاعان جەرىڭە جەتكىزەتىن ادام جالداپ الا الاسىڭ جانە ءوزىڭنىڭ ورنىڭا جۇمىسىڭدى ىستەتىپ سەنىڭ كىرىسىڭدى تىپتەن كوپ بولدىرا الاتىن ادامدى تاعىدا جالداپ الا الاسىڭ، ءبىراق سەنىڭ ورنىڭدا اۋىرىپ جاتاتىن ادامدى ەشقاشان جالداي المايسىڭ. ماتەريالدىق دۇنيە تابىلادى. ءبىراق ءبىر نارسەنى جوعالتتقان ساتتە ونى ەشقاشان قايتىپ قايتادان تابا المايسىڭ. ول ءومىر.

وتا جاسايتىن بولمەگە كىرگىزىپ بارا جاتقاندا ءبىر نارسەگە وكىنەتىن بولاسىڭ ول وقىپ اياقتاي الماعان «سالاۋاتتى ءومىر جايلى» دەگەن كىتاپ. مەن نەگە وقىپ اياقتامادىم؟ نەگە قولدانبادىم؟ دەپ وزىمە قاتتى وكىنەمىن.

ءومىردىڭ قاي جەرگە كەلگەنىنە قاراماستان كەز كەلگەن ۋاقىتتا ءبىزدىڭ ءومىر ەسىگىمىز جالعىز كۇندە جابىلادى.

وتباسىڭا قامقور بول، ايەلىڭە سۇيىسپەنشىلىكپەن قارا، دوس- جاراندارىڭدى سىيلا. ءوزىڭدى ويلا، وزگەگە قۇرمەتپەن قارا».

اۋدارما https://www.facebook.com/almaty.jetkenbay پاراقشاسىنان الىندى.