عالىمدار تاڭعى استىڭ بالالاردىڭ وقۋ ۇلگەرىمىنە قالاي اسەر ەتەتىنىن انىقتادى
زەرتتەۋ اۆتورلارى جۇمىستارىنىڭ قورىتىندىسىن Public Health Nutrition جۋرنالىنا جاريالادى. ديەتولوگتاردىڭ سوزىنە قاراعاندا، تاڭعى اس ءىشۋ بالالاردىڭ وقۋ ۇلگەرىمىنە وڭ ىقپال ەتەدى.
«عالىمدار ۇلى بريتانيالىق ءجۇز مەكتەپتىڭ 9-11 جاس ارالىعىنداعى 5 مىڭ وقۋشىسى اراسىندا ساۋالناما جۇرگىزدى. زەرتتەۋ بارىسىندا بالالاردىڭ تاماقتانۋ ءتارتىبىنىڭ ەرەكشەلىكتەرى مەن قولدانىلاتىن ازىق- تۇلىك تۇرلەرى (اس ءمازىرى) انىقتالدى. بۇل ماعلۇماتتاردى جيناعان عالىمدار، 6-دان 18-ايعا دەيىن بالالاردىڭ وقۋ ۇلگەرىمىن باقىلادى»، - دەلىنگەن جاريالانىمدا.
زەرتتەۋ ناتيجەلەرىنە سەنسەك، تاڭعى اس ىشكەن بالالاردىڭ وقۋ ۇلگەرىمى وزگەلەردىكىنەن ەكى ەسە جاقسى بولادى. سونىمەن قاتار، ساراپشىلار تاڭعى استىڭ ساپاسىنا دا ءمان بەردى، ساپاسىز، ياعني تاتتىلەر مەن چيپستەر جەگەن بالالاردىڭ وقۋ ۇلگەرىمى جاقسى كورسەتكىش كورسەتپەدى. ال وقۋشىلاردىڭ ءاربىر بەسىنشىسى تاپ وسى ونىمدەردى تاڭعى اسقا جەگەن.
