رەسپۋبليكالىق بيۋدجەت شىعىستارى تاعى دا قىسقارتىلۋى مۇمكىن - ن. نازاربايەۆ

 استانا. قازاقپارات - رەسپۋبليكالىق بيۋدجەت شىعىستارى تاعى دا قىسقارتىلۋى مۇمكىن. بۇل تۋرالى بۇگىن اقوردادا ءوتىپ جاتقان ق ر ۇكىمەتىنىڭ كەڭەيتىلگەن وتىرىسىندا ەلباسى نۇرسۇلتان نازاربايەۆ ايتتى.

 «ءبىزدىڭ ادامدارىمىز جاقسى ۋاقىتتا ەركىن ءومىر ءسۇرىپ ۇيرەنىپ قالدى، ۇكىمەت تە. بۇگىن مەن: «بيۋدجەتتى ۇسىنىپ جاتىرسىڭدار، مەملەكەتتىك شىعىستار قانشا تەڭگەگە قىسقارتىلدى؟» دەپ سۇرادىم.

 ماعان 1,5 تريلليون تەڭگەنىڭ قىسقارتىلعانىن ايتتى. مەملەكەتتىك شىعىستار 1,5 تريلليون تەڭگەگە قىسقارتىلىپ وتىر. قاراڭىزدار، ءبىزدىڭ قالاي شىعىنداعانىمىزدى. بۇل رەتتە ەشتەڭە دە ورىن المايدى. تاعى دا نەنى قىسقارتۋعا بولاتىنىن ويلاستىرۋ كەرەك شىعار. ارينە، قاجەت بولسا»، - دەدى ق ر پرەزيدەنتى.

سونىمەن قاتار ەلباسى بۇل جايتقا قاراماستان ۇكىمەتتىڭ حالىق الدىنداعى ءوزىنىڭ الەۋمەتتىك مىندەتتەمەلەرىن تولىق كولەمدە ورىندايتىندىعىن باسا ايتتى. «مىنە، بۇل وتە ماڭىزدى»، - دەدى ن. نازاربايەۆ.