ن. نازاربايەۆ: ۇكىمەت مۇشەلەرى ينۆەستيتسيا تارتۋدا يكەمدىلىك تانىتۋى ءتيىس- فوتو
«ق ح ر، لوندون، پاريجدەن باستاپ مەنىڭ بارلىق ساپارلارىمدا، بىزگە جاسالعان ساپارلاردا، بيزنەس- فورۋمدارعا، بيزنەس كاپيتاندارىمەن كەزدەسۋگە، الەمنىڭ ءىرى بيزنەسمەندەرىمەن جەكە كەزدەسۋلەرگە قاتىستىڭ.
ولاردىڭ بارلىعى دا قىزىعۋشىلىق تانىتىپ، جۇمىس ىستەيتىن ناقتى نىساندارىن اتادى. بۇگىنگى شىنايى ومىردە مۇنداي مۇمكىنشىلىك ەشكىمدە جوق. الەمدە اقشا كوپ، ولاردى الۋ، تارتۋ، قىزىقتىرا ءبىلۋ قاجەت. ۇكىمەتتىڭ بار شەبەرلىگى، ءبىزدىڭ كادرلاردىڭ بىلىكتىلىگى مەن قۇزىرەتتىلىگى ءدال وسىمەن تۇيىندەسۋى ءتيىس»، - دەدى ەلباسى ينۆەستيتسيالار جانە دامۋ ءمينيسترى ءا. يسەكەشيەۆكە قاراتا.
مەملەكەت باسشىسى ينۆەستورلارمەن جەكە- جەكە جۇمىس ىستەۋ قاجەتتىگىن باسا ايتتى.
«سوندىقتان دا ماعا بىزدەردە بۇل ينۆەستيتسيالاردى ۇيلەستىرەتىن ءبىر ادام بار ما ەكەن دەگەن وي كەلەدى. كەلگەن ينۆەستور كابينەتتەن كابينەتكە جۇگىرمەي ۇكىمەتتەگى ناقتى ءبىر ادامعا جولىعىپ، ال ول ادام وعان قاجەتتى بارلىق ەسىكتەردى اشىپ بەرۋ قاجەت. سوندىقتان دا سىرتقى ىستەر مينيسترىنە (ەرلان ىدىرىسوۆقا) مۇمكىن بىزدەرگە ارنايى نەمەسە سىرتقى ەكونوميكالىق بايلانىس جونىندەگى بولىمشە قۇرۋ قاجەت شىعار دەگىم كەلەدى. ءبىراق، وندا سەنىمەن (اسەت يسەكەشيەۆكە قاراتا - رەد. ) مۇددەلەر قاقتىعىسى ورىن الادى»، - دەدى ق ر پرەزيدەنتى.
ءوز كەزەگىندە ءا. يسەكەشيەۆ شەتەلدىك ينۆەستورلار قىزىعۋشىلىق تانىتاتىن بارلىق جوبالارعا ۇكىمەت مونيتورينگ جۇرگىزىپ وتىرعانىن اتاپ ءوتتى.
«ءىس جۇزىندە اي سايىن ۇكىمەتتە قارايمىز. ءبىز كەلەسى جىلدان باستاپ زاڭعا سايكەس ينۆەستورلارعا بارلىق قۇجاتتاردى ءبىر جەردەن بەرمەكپىز. سىرتقى ىستەر مينيسترلىگىمەن جۇمىستاردى ۇيلەستىرۋدى كۇشەيتۋگە ۋاعدالاستىق»، - دەدى مينيستر.
اۆتور: مارلان جيەمباي
