تالعات مۇسابايەۆ عارىش تۋرالى ەستەلىكتەرىن زەينەتكەرلىككە شىققان سوڭ عانا جازادى

استانا. قازاقپارات - ق ر ي د م اەروعارىش كوميتەتىنىڭ (قازعارىش) ءتوراعاسى تالعات مۇسابايەۆ وقىرماندارعا عارىشتا بولۋ جانە وتاندىق كوسموناۆتيكانىڭ قىزمەتى تۋرالى مەمۋارلارى(ەستەلىكتەرى - رەد.)قامتىلاتىن كىتاپتى زەينەتكەرلىككە شىققان سوڭ عانا جازۋدى ۋادە ەتتى.

«ماعان بۇل سۇراقتى ءجيى قويىپ وتىرادى، 150 رەت قويعان شىعار. ءبىراق بۇل وتە جاقسى سۇراق، مەن ءتىپتى ءالى كۇنگە دەيىن بۇل تۋرالى بىردە-ءبىر جول جازباعانىما ۇيالامىن. ءبىراق، بىرىنشىدەن، قازىر قولىم بوس ەمەس. ول كوپ ەڭبەكتەنۋدى، بوس ۋاقىتتى قاجەت ەتەتىن جۇمىس ەكەنىن وزدەرىڭىز تۇسىنەتىن شىعارسىز»، - دەدى ت. مۇسابايەۆ ق ر ۇلتتىق مۇراجايىندا وتكەن «جۇلدىزدى جولداردىڭ باتىرلارى» تاقىرىبىندا وتكەن دوڭگەلەك ۇستەل قاتىسۋشىلارىنىڭ سۇراقتارىنا جاۋاپ بەرىپ.

ق ر اەروعارىش كوميتەتىنىڭ ءتوراعاسى عارىش سالاسىندا جۇمىس ىستەۋ جىلدارىندا جيناعان تاجىريبەسى 10 كىتاپتى جازۋعا جەتەتىنىن مويىندادى. الايدا ت. مۇسابايەۆتىڭ بۇگىنگى جۇمىسىنىڭ كۇردەلى كەستەسى ونى جاساۋعا مۇمكىندىك بەرمەي وتىر. «مەمۋارلارعا كەلسەك. مەن زەينەتكەرلىككە شىققاندا، ءوز مەمۋارلارىمدى جازا باستايتىن شىعارمىن، جازاتىن قىزىقتى جايتتار كوپ. ءبىراق قازىر قولىم بوس ەمەس»، - دەپ قوسىپ ءوتتى ق ر اۆياتسياسىنىڭ گەنەرال- لەيتەنانتى.