08:03, 18 - قاراشا 2015 | GMT +5
تەمەكى باعاسىنىڭ قىمباتتاۋى زياندى ادەتتەن ارىلۋعا كومەكتەسەدى
استانا. قازاقپارات - ەلىمىزگە كونتراباندالىق تەمەكى ونىمدەرى جاپپاي اعىلۋى مۇمكىن. اكسيزدەردىڭ بىردەن 3 ەسە قىمباتتاۋىنىڭ سالدارى وسىنداي بولادى دەيدى وسى سالادا جۇرگەن كاسىپكەرلەر،
دەپ حابارلادى ك ت ك ارناسى.
قازىردىڭ وزىندە ارزان باعامەن ساۋدالانىپ جاتقان شىلىمنىڭ باسىم بولىگى رەسەي مەن قىرعىزستاننان جەتكىزىلگەن كونتراباندا كورىنەدى. دەگەنمەن، بۇل كاسىپكەرلەردىڭ پىكىرىمەن مۇلدەم كەلىسپەيتىندەر دە كوپ. وسىنداي ۇيىمدار ەلىمىزدە شىعارىلاتىن ءاربىر مىڭ تەمەكىنىڭ اكسيزىن 3900 تەڭگەدەن 12 مىڭعا دەيىن كوتەرۋ جايلى ۇسىنىس جاساپتى. ەگەر مۇنى ۇكىمەت قولداسا، ءبىر قوراپ تەمەكىنىڭ باعاسى مىڭ تەڭگەگە دەيىن كوتەرىلمەك.
قىمبات شىلىم - وسى جامان ادەتكە قۇمارلاردىڭ سانىن ەسەلەپ تومەندەتەدى دەيدى بەلسەندىلەر. كاسىپكەرلەردىڭ دە ءوز ءۋاجى بار. ەۋرازيالىق ەكونوميكالىق وداق اۋماعىنداعى باعا ساياساتى بىردەي ەمەس. ەگەر اكسيز قىمباتتاسا، كومپانيالاردىڭ باسىم بولىگى كولەڭكەلى بيزنەسپەن اينالىسىپ، بولشەك ساۋدانى قاداعالاۋ قيىندايىن دەپ تۇر.
