قىتاي مەن وڭتۇستىك كورەيادا وڭتۇستىك قازاقستان وبلىسىنىڭ ينۆەستيتسيالىق مۇمكىندىكتەرى تانىستىرىلدى

شىمكەنت. قازاقپارات - قىتاي مەن وڭتۇستىك كورەيادا و ق و ينۆەستيتسيالىق مۇمكىندىكتەرى تانىستىرىلدى.

سەۋلدە وڭتۇستىك قازاقستان وبلىسىنىڭ ينۆەستيتسيالىق مۇمكىندىكتەرى تانىستىرىلعان فورۋم ءوتىپ، وعان وڭتۇستىك كورەيانىڭ ءتۇرلى ەكونوميكالىق سەكتورلارىندا قىزمەت ەتەتىن 180 كاسىپكەر قاتىستى. ناتيجەسىندە، ەكى ەل اراسىندا 11 مەموراندۋمعا قول قويىلدى.

 اتاپ وتەيىك، وڭتۇستىك قازاقستان وبلىسى اكىمىنىڭ ءبىرىنشى ورىنباسارى د. ساتىبالدى باستاعان ءبىر توپ كاسىپكەرلەر وڭتۇستىك كورەيا مەملەكەتىنە جۇمىس ساپارىمەن بارعان. فورۋمنان بولەك رەسمي كەزدەسۋلەر ءوتتى. وندا وڭىرلىك دەڭگەيدە ءوزارا ءتيىمدى ىنتىماقتاستىق ماسەلەلەرى تالقىلانىپ، وڭتۇستىك كورەيا مەن ءبىزدىڭ وبلىستىڭ كاسىپكەرلەرىنىڭ ينۆەستيتسيالىق جوبالارىن ىسكە اسىرۋعا جاعداي جاساۋ جايى جانە كەنگيدو پروۆينتسياسىندا قۇرىلعان ينۆەستيتسيالىق حابقا وڭتۇستىك قازاقستان وبلىسىنىڭ قاتىسۋى ءسوز بولدى.

ساپار بارىسىندا دەلەگاتسيا وڭتۇستىك كورەياداعى اگرو ونەركاسىپ كەشەندەرى مەن ونداعى ءىرى يننوۆاتسيالىق اگروتەحنيكالىق ينستيتۋتتى، ونەركاسىپتىك جىلىجايلار مەن ەۋروپالىق ىسكەرلىك ارىپتەستىك ورتالىعىن جانە تاعى باسقا ۇيىمداردى ارالادى.

 و ق و دەلەگاتسياسى شيان قالاسىندا ۇيىمداستىرىلعان قىتايدىڭ اۋىل شارۋشالىعى سالاسىنداعى جاڭا تەحنولوگيالار تاقىرىبىندا وتكىزىلگەن 22- جارمەڭكەسىنە جانە ارنايى فورۋمعا قاتىستى.