سىبايلاس جەمقورلىق ارەكەتىنە بارعان پاۆلودار وبلىسىنىڭ بۇرىنعى اكىمى وزىنە جاڭا قىزمەت تاپتى

استانا. قازاقپارات - سىبايلاس جەمقورلىق ارەكەتىنە بارعانى ءۇشىن ۇستالىپ، كەيىن شارتتى تۇردە جازا العان پاۆلودار وبلىسىنىڭ بۇرىنعى اكىمى ەرلان ارىن وزىنە جاڭا جۇمىس تاپتى.

ەرلان ارىن ل. ن. گۋميلەۆ اتىنداعى ەۋرازيا ۇلتتىق ۋنيۆەرسيتەتى جانىنداعى «ەۋرازيا» عىلىمي ورتالىعىنىڭ باس عىلىمي قىزمەتكەرى بولىپ جۇمىسقا ورنالاستى.

«2015 -جىلدىڭ 1 -ماۋسىمىنداعى بۇيرىق بويىنشا ەرلان مۇحتار ۇلى ارىن «ەۋرازيا» عىلىمي ورتالىعىنىڭ باس عىلىمي قىزمەتكەرى رەتىندە جۇمىسقا قابىلداندى. ەرلان ارىن ۋنيۆەرسيتەتتە  وقىتۋشىلىق قىزمەتپەن اينالىسپايدى، پروفەسسورلار مەن وقىتۋشىلار قۇرامىندا جوق»، - دەلىنگەن Today.kz رەداكسياسىنىڭ سۇراعىنا جاۋاپ بەرگەن ۋنيۆەرسيتەت جاۋابىندا.

ەسكە سالا كەتەيىك، پاۆلودار وبلىسىنىڭ بۇرىنعى اكىمى ەرلان ارىن ءۇش جىلعا شارتتى تۇردە سوتتالىپ، مەملەكەتتىك قىزمەتتە جۇمىس ىستەۋ قۇقىعىنان 5 جىلعا ايىرىلعان بولاتىن. ول 2014 -جىلدىڭ ناۋرىزىندا مەملەكەت قارجىسىن جىمقىرىپ، سىبايلاس جەمقورلىققا بارعانى ءۇشىن ۇستالعان.

دەرەككوز: Today.kz