16:40, 16 - قاراشا 2015 | GMT +5
رونالدۋ اشىنالارىنا كاستينگ جاريالادى
استانا. قازاقپارات - مادريدتىك «رەال» كلۋبىنىڭ فۋتبولشىسى كريشتيانۋ رونالدۋ بىرنەشە ايەلمەن كەزدەسىپ جۇرگەنىن مويىندادى. ايتۋىنشا، كەزدەسىپ جۇرگەن قىزداردىڭ اراسىندا ءوزارا كاستينگ وتۋدە، دەپ جازادى stan.kz.
«مەن قازىر بىرنەشە ايەلمەن كەزدەسىپ ءجۇرمىن، ءبىراق ناق سۇيەرىمدى ءالى انىقتامادىم. ولار ءوزارا باسكەلەس، سوعان قاراپ ونى كاستينگ دەپ اتاۋعا بولادى. ءبىراق بۇل مەن ءۇشىن قالىپتى جاعداي. سەبەبى، مەن تانىمال ءارى داۋلەتتى جىگىتپىن» ، - دەيدى كريشتيانۋ رونالدو.
تانىمال فۋتبولشى ولاردىڭ اراسىنان قاندايدا ءبىر تاڭداۋ جاساۋدىڭ قيىن ەكەنىن مويىندايدى. ءبىراق قىز- كەلىنشەكتىڭ باسىم كوپشىلىگى تانىمالدىلىعى مەن بايلىعىنا قارايتىنىن جاسىرمادى. جانە ول ماسەلە جالعىز وندا عانا ەمەس ەكەنىن ايتتى.
كريشتيانۋ رونالدۋ وسى جىلدىڭ قاڭتار ايىندا رەسەيلىك مودەل يرينا شەيكپەن اجىراسىپ كەتتى. ولار 5 جىل كەزدەسكەن بولاتىن. يرينا شەيكتىڭ ايتۋىنشا، ولاردىڭ اجىراسۋىنىڭ سەبەبى، كريشتيانۋدىڭ وپاسىزدىعى بولعان. ارتىنان رونالدۋ دانيەللا چاۆەسپەن كەزدەسكەن.
