قازاق مەملەكەتىنىڭ شەكاراسىن سىزىپ بەرگەن لەنين ەمەس

استانا. قازاقپارات - تالپىنىس ينەرتسياسى. ورىس ءتىلدى تاريحشىلار مەن ساياساتكەرلەردىڭ اراسىندا مىناداي جالعان ميف بار: قازاق ۇلتى، مەملەكەتى بولماعان، ونى قۇرعان، العى شارتىن جاساعان سوۆەت ۇكىمەتى دەگەن.

شىنداپ كەلسەك، 1917-1918 -جىلدارى يمپەريا قۇرامىنداعى كوپتەگەن ۇلتتار ءوز تاۋەلسىزدىگىن الدى نەمەسە الۋعا تىرىستى. سولاردىڭ قاتارىندا قازاقتار دا بولعان.

لەنين باستاعان بالشەبەكتەر ءبىرازىن يمپەريا قاتارىنا قوسىپ ۇلگەردى، ارتىنان سول ەلدەردەگى تاۋەلسىزدىك يدەياسىن باسىپ جانشۋمەن اينالىستى. 1991 -جىلى يمپەريا قۇلاعان كەزدە جاڭا مەملەكەتتەر سول 1918 -جىلعى ىدىراۋ شەكارالارىندا قۇرىلدى. بۇل تەگىن ەمەس.

قازاق مەملەكەتتىگى بولعان، ونىڭ شەكاراسى بولعان. ول شەكارانى سىزىپ بەرگەن لەنين ەمەس، الاشورداشىلار! يمپەريا شەكارامىزدى مىقتىلىعىنان ەمەس، السىزدىگىنەن مويىندادى. الاشورداشىلار قازاق تىلىندەگى ۇلتتىق اعارتۋ، ءبىلىم بەرۋ، مادەنيەت جۇيەسىن جاسادى، جۇزگە جۋىق وقۋلىق جاساپ كەتتى. ساياسي تۇرعىدان جەڭىلسە دە، تاريحي تۇرعىدان جەڭىپ شىقتى!

بۇگىنگى جەڭىسىمىز سول 1916-1918 -جىلدارداعى الاششىل ازاماتتاردىڭ تالپىنىسىنىڭ ينەرتسياسى. تاۋەلسىزدىك يمپۋلسى، ازاتتىقتىڭ جارىلعىش كۇشى تەك قاجەتتى ۋاقىتىن كۇتىپ، ءپىسىپ جاتتى دەۋگە ابدەن بولادى.

وسىنى ۇمىتپالىق!

ايدوس سارىم، ساياساتتانۋشى