08:52, 16 - قاراشا 2015 | GMT +5
دەۆيد بەكحەم باسپا ءسوز كونفەرەنتسياسىندا ءتىلشىنىڭ تەلەفونىنا جاۋاپ بەردى - كەسكىن
استانا. قازاقپارات - دەۆيد بەكحەمنىڭ قاتىسۋىمەن وتكەن باسپا ءسوز كونفەرەنسياسىندا قىزىقتى جاعداي ورىن الدى، دەپ حابارلايدى Eurosport.ru.
مانچەستەردەگى «ولد تراففورد» ستاديونىندا وتكەن Unicef قايىرىمدىلىق ماتچىنان كەيىن بەكحەم تىلشىلەردىڭ سۇراقتارىنا جاۋاپ بەرۋ ءۇشىن باسپا ءسوز كونفەرەنسياسىنا كەلدى. تىلشىلەردىڭ ءبىرى ۇيالى تەلەفونىنداعى ديكتوفوندى قوسىپ، سپورتشىنىڭ ءسوزىن جازىپ العاندا، كەنەتتەن وعان بىرەۋ قوڭىراۋ شالدى. دەۆيد قاسىنداعىلاردىڭ رۇقساتىمەن تەلەفون تۇتقاسىن العاندا، وعان ەشكىم جاۋاپ بەرمەدى، دەپ جازدى شەتەلدىك ب ا ق.
ايتا كەتەيىك، انگليا مەن يرلانديانىڭ بىرىككەن كومانداسى مەن الەم قۇراماسىنىڭ اراسىنداعى قايىرىمدىلىق ماتچتا بريتاندىقتار 3:1 ەسەبىمەن ۇتتى. دەۆيد بەكحەم وندا 75- مينۋتقا دەيىن ويناپ، ودان كەيىن الاڭداعى ورنىن ۇلى برۋكلينگە بەردى.
