عالىمدار قاسيەتى جاعىنان تيبەت تاۋىنا پارا-پار اقمەشىت ۇڭگىرىندە ساۋىقتىرۋ ورتالىعىن سالۋ تۋرالى ۇسىنىس ايتتى

استانا. قازاقپارات - دۇنيەجۇزىنىڭ جۇرتى ءساتى تۇسسە، تيبەت تاۋىنا شىعىپ، كوكىرەك كەرە دەم الىپ، شامبالالار قاسيەتىن جۇرەگىنەن وتكىزۋگە قۇمبىل.

قولى جەتكەندەر بويىنداعى كەسەلدەردەن ارىلدىم، جان-دۇنيەم تازاردى دەپ كەلەدى. قۇي سەنىڭىز، قۇي سەنبەڭىز، اسپانمەن امانداسقان سول تيبەت تاۋلارىنىڭ قاسيەتى وسى ءبىزدىڭ اقمەشىت ۇڭگىرىندە بار، دەپ جازادى و ق و- داعى «ەگەمەن قازاقستان» گازەتىنىڭ ءتىلشىسى باقتيار تايجان.

گەوماگنيتتىك تولقىنداردى زەرتتەپ جۇرگەن ءمۇساتىللا توقانوۆتاي عالىمنىڭ باسقا شارۋاسىن جيىپ قويىپ: «اقمەشىت!» دەپ شىرىلداۋىنان وسىنى ۇققايسىز. ويتكەنى، كيەلى اقمەشىت ۇڭگىرى جوعارعى كۇش-قۋاتتى، تازا ەنەرگەتيكالىق اۋا اعىمدارى شوعىرلانعان تولقىندى ايماقتا ورنالاسقان. اقمەشىت ۇڭگىرىنىڭ كۇمبەز شاڭىراقتى قۇرىلىمى ادام اعزاسىنا وڭ اسەر ەتىپ، كىر ەنەرگيادان تازارتىپ، يممۋندىق كۇش- قۋاتىن وياتىپ، كەلەڭسىز اۋرۋ- سىرقاۋدان ارىلتادى.

اقمەشىت ۇڭگىرى - وڭتۇستىك قازاقستان وبلىسىنىڭ بايدىبەك اۋدانىنداعى كوكتەرەك اۋىلىنىڭ جانىنداعى قاراتاۋ سىلەمىنىڭ بوكتەرىندە.

قاسيەتتى، كيەلى اقمەشىت 250 مەتر بيىكتىكتە تاۋدىڭ سىلەمىندە ورنالاسقان. ۇڭگىردىڭ كىرە بەرىسىندە ەنى شامامەن 10-15 مەتر كولەمىندە، ارنايى ورناتىلعان تەمىر ساتىمەن 35 مەتر تومەن تۇسكەندە بىردەن جازدىڭ اپتاپ ىستىعى +35, +40 گرادۋستان ۇڭگىردىڭ ءىشى قوڭىر سالقىن، +18-20°س سالقىن لەبى ۇرىپ تۇرادى. ۇڭگىردىڭ ءبىر كەرەمەتى: ەنى 60-80 مەتر، ۇزىندىعى 120 مەتر، بيىكتىگى شامامەن 35 مەتر كۇمبەز ىسپەتتەس.

كيەلى اقمەشىت كۇمبەزىنىڭ ءار جەرىنەن سۋ تامشىلاپ تۇر. كۇمبەز شاڭىراقتىڭ قاسيەتىنىڭ ارقاسىندا قىسى- جازى تامشىلاعانىمەن اۋا دا ەشقانداي كەلەڭسىز پاتوگەندى اۋرۋ باكتەريالارىنىڭ بولماۋ سەبەبىنەن ەشقانداي كوگەرۋ، ءشىرۋ تىرشىلىكتەرى بايقالمايدى.

ارنايى «بيولاكاتسيالىق» قۇرالمەن اسىقپاي اقمەشىتتىڭ ءار مەترىن تەكسەرىپ شىققاندا، ۇڭگىر ىشىندە ادام دەنساۋلىعىنا كەرى اسەر ەتەتىن گەوماگنيتتى تولقىندى اسەرلەردى تاپپادىق.

قازاقي كوزقاراس داستۇرىمەن ايتاتىن بولساق، اقمەشىتتىڭ كەرەمەتتىلىگى سول، ادام اعزاسىن بايلايتىن جامان ەنەرگيا: ءتىل، كوز، دۋا جانە جامان جەردىڭ گەوماگنيتتى اسەرلەرىن سىلىپ تاستايتىندىعىندا!

ءبىزدىڭ قازاقستان وڭىرىندە تەڭدەسى جوق ولكەلەرى مەن ءزاۋلىم تاريحي كەسەنەلەر كوپتەپ كەزدەسەدى. اقمەشىت تابيعاتتىڭ ءوزى تۋدىرعان - كيەلى جەر. مۇندا جارتى ساعات بولعان ادام كيەلى جەردىڭ قاسيەتىن ءوز اعزاسىمەن تولىق سەزىنە ءبىلۋ مۇمكىن ەمەس. كەم دەگەندە كۇنىنە ەكى رەت اقمەشىتتىڭ ىشىندە ناماز وقىپ، اللا تاعالاعا قۇلشىلىق جاساپ، مەديتاتسيا جاساسا ەمدىك قاسيەتى زور بولادى.

كيەلى اقمەشىت ۇڭگىرى جوعارى كۇش- قۋاتتى، تازا ەنەرگەتيكالىق اۋا اعىمدارى شوعىرلانعان تولقىندى جەر.

تىلسىم دۇنيەنى زەرتتەيتىن ەمشى، عالىم كۇندەلىكتى 5-10 ادامنىڭ كىر ەنەرگياسىن تازارتا الاتىن بولسا، كيەلى اقمەشىت كۇندەلىكتى مىڭداعان ادامعا جاردەم بەرە الاتىن دەنساۋلىق ورتالىعى بولار ەدى.

اقمەشىت - بيو جانە ەكوتۋريزم. ناسيحاتى جاقسى بولسا، تۋريستەردى ماگنيتتەي تارتاتىن كيەلى مەكەن.

ءبىزدىڭ ۇسىنىسىمىز، ءدال وسى جەردىڭ اۋماعىنا ساۋىقتىرۋ ورتالىعى سالىنۋى كەرەك.