ءبىر ساعات ۋاقىتىڭدى بولە الاسىڭ با؟
بالاسى اكەسىنە ەركەلەپ: - اكە، ءبىر ساعاتتا قانشا اقشا تاباسىز؟ - دەپ سۇرايدى. ونسىز دا جۇمىستان قاتتى شارشاپ كەلگەن اكەسى جاقتىرماي بىلاي دەيدى:
- وندا سەنىڭ شارۋاڭ بولماسىن.
- اكە، ايتا سالىڭىزشى.
- بىلگىڭ كەلىپ تۇرسا، ايتايىن. مىڭ تەڭگە.
- ماعان 500 تەڭگە قارىز بەرە الاسىز با؟ - دەگەندە اكەسى قاتتى اشۋلانىپ:
- ءدال قازىر سەنىڭ تۇككە تۇرعىسىز ويىنشىقتارىڭا بەرەتىن اقشام جوق. قانە، باستى قاتىرماي ورنىڭنان تۇر دا بولمەڭە بار، - دەپ زەكىردى.
بالاسى سوزگە كەلمەستەن بولمەسىنە كىرىپ كەتتى. ال، اكەسىنىڭ ءبىرازدان كەيىن شارشاعانى باسىلىپ، اشۋى تارقايدى. «وعان اقشا نەگە كەرەك بولدى ەكەن، مۇمكىن شىنىمەن ءبىر نارسەگە قاجەت بولعان شىعار» دەپ ويلايدى دا بالاسىنىڭ بولمەسىنە كىرەدى. بالاسى بۇك ءتۇسىپ جاتىر ەكەن. اكەسى اقىرىن عانا:
- ۇيىقتاپ قالدىڭ با؟ - دەپ سۇرايدى.
- جوق، ءالى ۇيىقتاعان جوقپىن.
- ءما، سۇراعان اقشاڭدى الا عوي. بۇگىن جۇمىستا قاتتى شارشاعاندىقتان، سەنى رەنجىتىپ الدىم-اۋ، - دەگەندە بالاقاي قاتتى قۋانىپ:
- راحمەت سىزگە، اكەتاي، - دەيدى دە جاستىعىنىڭ استىنان مىج- مىج بولعان اقشالاردى جيناي باستايدى. مۇنى كورگەن اكەسى تاعى دا اشۋعا باسىپ:
- اقشاڭ بولا تۇرا، نەگە سۇرادىڭ؟ - دەيدى.
- بۇلار ساعان بەرۋگە ازدىق ەتەدى، - دەدى دە اقشانى اكەسىنە ۇسىنىپ:
- مىنە، 1000 تەڭگە. ەندى، ماعان ءبىر ساعات ۋاقىتىڭدى بولە الاسىڭ با؟!- دەگەندە اكەسى ۇيالعاننان قىپ-قىزىل بولىپ كەتتى.
mazhab.kz
