قازاقستاندا ۇزدىك جاس عالىمنىڭ ەسىمى انىقتالدى
ەلىمىزدە تۇڭعىش رەت وتكىزىلگەن جاس عالىمدار بايقاۋىنىڭ جەڭىمپازىنا بۇگىن جەتى جارىم ميلليون تەڭگە كولەمىندە سىياقى تابىستالىپ، بيىل لوندوندا وتەتىن جاس عالىمدار سايىسىنا جولداما بەرىلدى.
يننوۆاتورلار دوداسى بۇگىن ەل پرەمەرى كارىم ءماسىموۆتىڭ قاتىسۋىمەن وتكەن استاناداعى حالىقارالىق يننوۆاتسيالىق كونگرەسس اياسىندا ۇيىمداستىرىلدى.
جالپى، جاس عالىمدار بايقاۋىنا بيىل جىل باسىنان بەرى ءۇش جۇزدەن استام ۇمىتكەر تىركەلگەن بولاتىن. ال ۇسىنىلعان عىلىمي جۇمىستار ءتۇرلى سالالاردى قامتيدى. فورۋمعا يننوۆاتسيا سالاسىنىڭ ساراپشىلارى، ينۆەستورلار، 150 ۇزدىك ستارتاپتىڭ نەگىزىن قالاۋشىلارى مەن شەتەلدەن كەلگەن 1500 مەيمان قاتىستى.
دانا اقىلبەكوۆا، جاس عالىم:
مەن قازىر قانت ديابەتىنە قارسى ينسۋلين وندىرەتىن جاسۋشالارمەن جۇمىس ىستەۋدەمىن. ينسۋليننىڭ ءوزى نەگىزىندە وتە قىمبات. ماسەلەن، ءبىر ايلىق ەكپەگە ادامنىڭ 200-300 دوللارعا جۋىق قاراجاتى جۇمسالىپ كەتەدى. ال مەنىڭ عىلىمي زەرتتەۋلەرىم نەگىزىندە، ادام اعزاسىنا ەگىلگەن اتالمىش جاسۋشالار كومىرسۋ الماسۋ گارمونىن وزدىگىنەن ءوندىرىپ تۇرىپ، قاجەتتى ينسۋليندى بولەدى. ياعني ينسۋليندىك جەتىسپەۋشىلىكتەن جىلدار بويىنا ارىلۋعا كومەكتەسەدى. ءارى قارجىنى دا ۇنەمدەيدى.
«استانا» ارناسى
