بەيجىڭ قالاسىندا «قازاقستاننىڭ قىتايداعى دوستارى كلۋبى» قۇرىلدى
قازاقستان دەلەگاتسياسىن ق ر سىرتقى ىستەر ءمينيسترىنىڭ ورىنباسارى اسقار مۋسينوۆ، قىتاي دەلەگاتسياسىن ق ح ر سىرتقى ىستەر ءمينيسترىنىڭ ورىنباسارى چەن گوپين باسقاردى دەپ حابارلايدى ق ر س ءى م باسپا ءسوز قىزمەتى.
كىشى كوميتەتتىڭ وتىرىسى بارىسىندا تاراپتار قاۋىپسىزدىك جانە قورعانىس سالاسىنداعى قازاقستان-قىتاي ىنتىماقتاستىعى، وزەكتى حالىقارالىق جانە ايماقتىق ماسەلەلەر بويىنشا پىكىر الماستى، سونداي-اق الداعى جۇمىسىنىڭ جوسپارىن تالقىلادى. وتىرىستىڭ قورىتىندىسى بويىنشا حاتتاماعا قول قويىلدى.
سىرتقى ىستەر مينيسترلىكتەرى اراسىنداعى كونسۋلتاتسيالار بارىسىندا تاراپتار «نۇرلى جول» جاڭا ەكونوميكالىق ساياساتىن قىتايدىڭ «جىبەك جولى ەكونوميكالىق بەلدەۋى» باستاماسىمەن ۇشتاستىرۋ، حالىقارالىق ۇيىمدار شەڭبەرىندەگى، كونسۋلدىق سالاداعى ىنتىماقتاستىق سۇراقتارىن تالقىلادى.
2015-جىلى مامىردا ق ح ر ءتوراعاسى شي جينپيڭنىڭ قازاقستانعا جانە تامىزدا ق ر پرەزيدەنتى نۇرسۇلتان نازاربايەۆتىڭ قىتايعا ساپارلارىنىڭ ناتيجەلەرى ەرەكشە اتالىپ ءوتتى.
سىرتقى ساياسي ۆەدومستۆولارىنىڭ وكىلدەرى تۇراقتى تۇردە وتكىزىلەتىن ءوزارا كونسۋلتاتسيالار قازاقستان مەن قىتايدىڭ جان-جاقتى ستراتەگيالىق ارىپتەستىگىن ىلگەرىلەتۋگە مۇمكىندىك بەرەتىن ماڭىزدى تەتىك ەكەنىن ايقىندادى.
سونىمەن قاتار، ساپار بارىسىندا ق ح ر مەملەكەتتىك تۋريزم باسقارماسى ءتوراعاسىنىڭ ورىنباسارى لي شيحۋنمەن جانە شىنجاڭ-ۇيعىر اۆتونوميالىق اۋدانىنىڭ قىتاي كوممۋنيستىك پارتياسى تۇراقتى كوميتەتىنىڭ مۇشەسى عانيبەت سابكەي ۇلىمەن كەزدەسۋى ءوتتى. 2017-جىلعى قىتايدىڭ قازاقستانداعى تۋريزم جىلىن وتكىزۋ، استانا قالاسىندا وتەتىن «ەكسپو-2017» مامانداندىرىلعان حالىقارالىق كورمەگە قىتايدىڭ تۋريستەرىن تارتۋ جانە تۋريزم سالاسىنداعى كەلىسىم-شارتتىق بازانى ۇلعايتۋ ماسەلەلەرى تالقىلاندى.
سول كۇنى بەيجىڭدە قىتايدىڭ ىسكەرلىك جانە عىلىمي ورتالارىنىڭ وكىلدەرى مەن مادەنيەت جانە ونەر قايراتكەرلەرىنەن تۇراتىن «قازاقستاننىڭ قىتايداعى دوستارى كلۋبىنىڭ» قۇرىلتاي جينالىسى جانە دە «ءبىز جانە ءسىز: قىتاي مەن قازاقستاننىڭ اڭىزدارى» كىتابىنىڭ تۇساۋكەسۋ ءراسىمى ءوتتى.
ق ر- دىڭ ق ح ر- داعى ەلشىلىگىمەن ۇيىمداستىرىلعان قىتايدىڭ قوعامدىق جانە ساياسي توپتارىندا ۇلكەن دەن قويدىرعان، ءىس-شارالارعا ق ح ر سىرتقى ىستەر ءمينيسترىنىڭ ورىنباسارى چەن گوپين، ق ح ر س ءى م بۇرىنعى تۇراقتى ءمينيسترىنىڭ ورىنباسارى تيان جەنپي، ق ح ر- دىڭ ق ر- داعى تۇڭعىش ەلشىسى چجان دەگۋان قاتىستى.
