استانادا رەجيسسەر ەرسايىن تاپەنوۆ ماراپاتتالدى
بۇل تۋرالى ۆەدومستۆونىڭ باسپا ءسوز قىزمەتىنەن حابارلاندى.
رەجيسسەردىڭ ەلەۋلى ەڭبەگىن اتاپ وتكەن جاۋاپتى حاتشى مينيسترلىك جانىنان قۇرىلعان كوركەمدىك كەڭەستە دە ە. تاپەنوۆ جەمىستى ەڭبەك اتقارادى دەپ سەنىم ءبىلدىردى. باسقوسۋعا ق ر مادەنيەت جانە سپورت ۆيتسە- ءمينيسترى ع. احمەدياروۆ پەن مينيستر كەڭەسشىسى ع. مەلدەشوۆ قاتىستى.
ە. تاپەنوۆ ءوزىنىڭ قىزمەت جولىندا مۇحتار اۋەزوۆتىڭ «ايمان- شولپان»، «دوس - بەدەل دوس»، عابيت مۇسىرەپوۆتىڭ «اقان سەرى- اقتوقتى»، «قوزى كورپەش- بايان سۇلۋ» («ماحاببات تۋرالى پوەما» دەگەن اتپەن)، ە. برۋسيلوۆسكي مەن ع. مۇسىرەپوۆتىڭ «قىز جىبەك»، بەيىمبەت ءمايليننىڭ «شۇعا»، قالتاي مۇحامەدجانوۆتىڭ «بولتىرىك بورىك استىندا»، تاحاۋي احتانوۆتىڭ «ماحاببات مۇڭى»، «كۇشىك كۇيەۋ»، اكىم ءتارازيدىڭ «جاقسى كىسى»، دۋلات يسابەكوۆتىڭ «اپكە»، ولجاس سۇلەيمەنوۆ پەن باققوجا مۇقايدىڭ «زاماناقىر»، مۇحتار شاحانوۆتىڭ «وتىرار داستانى»، مامان بايسەركە ۇلىنىڭ «كەنە حان» شىعارمالارىن ساحناعا شىعاردى.
سونداي-اق ن. گوگولدىڭ «ۇيلەنۋ»، ا. چەحوۆتىڭ «شاعالا»، ەۆريپيدتىڭ «مەدەيا»، ۋ. شەكسپيردىڭ «اساۋعا تۇساۋ»، «كورول لير» جانە باسقا دا اۆتورلاردىڭ تۋىندىلارىن كورەرمەنگە ۇسىندى.
اۆتور: رۋسلان عابباسوۆ
