س. ءابدىرايموۆ: س پ ي د جۇقتىرعان انادان دەنى ساۋ نارەستە دۇنيەگە كەلۋدە

استانا. قازاقپارات - ا ي ت ۆ (ادامنىڭ يممۋندىق تاپشىلىق ۆيرۋسى - رەد.) جۇقتىرعان انادان دەنى ساۋ نارەستە دۇنيەگە كەلۋدە.

سوڭعى ەكى جىلدا وسىنداي 13 بالا دەنى ساۋ ەكەندىگى انىقتالىپ ەسەپتەن شىعارىلدى.

بۇل تۋرالى بۇگىن «ج ي ت س- نىڭ (جۇرە پايدا بولعان يممۋندىتاپشىلىق سيندرومى - رەد.)  الدىن الۋ جانە وعان قارسى كۇرەس» تاقىرىبىندا وتكەن وتىرىستا استانا قالالىق ج ي ت س ورتالىعىنىڭ باس دارىگەرى ءسابيت ءابدىرايموۆ ءمالىم ەتتى.

«ەكى جىلدىڭ ىشىندە ورتالىقتا 40 بالا اتالمىش دەرتكە شالدىققان. ونىڭ 12 سى تولىق جازىلىپ، ەسەپتەن شىعارىلدى. التاۋى باسقا ايماقتارعا جىبەرىلسە، بىرەۋى قايتىس بولدى. ال، قالعاندارى ەسەپكە الىنىپ، ەم قابىلداۋدا. ايتا كەتەيىن، ا ي ت ۆ دەرتىنىڭ انادان بالاعا بەرىلۋى دارىگەرلەردىڭ كەڭەسىنە قۇلاق اسپاۋدان جانە دياگنوزدىڭ انىقتالعان ۋاقىتىنا تىكەلەي بايلانىستى. ەگەر ايەل ارنايى دارىلەردى ىشپەسە نەمەسە مامانداردىڭ كەڭەسىن تىڭداماستان، بالانى باۋىرىنا باسسا ءسابيدىڭ بويىنان اتالمىش دەرت انىقتالادى. سونىمەن قاتار، كەي جاعدايدا ايەلدەر جۇكتى بولىسىمەن بىردەن تىركەۋگە تۇرمايدى جانە دەر كەزىندە تەكسەرىلمەۋدەن بالا اۋرۋ بولىپ تۋىلادى»، دەدى باس دارىگەر.

ونىڭ ايتۋىنشا، بۇل جاعدايدا انا دۇرىس ەم قابىلداسا، دارىگەردىڭ كەڭەسىنە قۇلاق تۇرەتىن بولسا دۇنيەگە ساۋ نارەستە كەلۋگە مۇمكىندىك بار.

«ايەلدەردىڭ كوبىسى ءوز سابيلەرى ءۇشىن دارىگەرلەردىڭ سوزىنە قۇلاق اسادى. كەيدە بولاشاق انالار قويىلعان دياگنوزعا سەنبەيدى، ەندى بىردە جاعدايىنا بايلانىستى پروفيلاكتيكالىق زەرتتەۋدەن باس تارتادى. س پ ي د ورتالىعىنىڭ ماماندارى دارىلەردى قابىلداۋ ماڭىزدىلىعىن ءتۇسىندىرۋ ماقساتىندا ءاردايىم كەڭەس بەرۋگە دايىن. ەگەر انا دەر كەزىندە ەم قابىلداسا دۇنيەگە دەنى ساۋ بالا تۋىلادى»، - دەيدى س. ءابدىرايموۆ.

ايتا كەتەيىك، اعىمداعى جىلدىڭ 10 -قاراشا مەن 10 -جەلتوقسان ارالىعىندا دۇنيەجۇزىلىك ج ي ت س- پەن كۇرەس ايلىعى دەپ جاريالاندى. بۇكىل الەم اتاپ وتەتىن ايلىقتا كامپانيا دەنساۋلىق ساقتاۋ باسقارماسىمەن بىرلەسە وتىرىپ ا ي ت ۆ ينفەكتسياسىنىڭ الدىن الۋ جانە ءىس- ارەكەت جوسپارىن ورىنداۋ جانە قوعامنىڭ نازارىن انىقتاۋ ماقساتىندا جۇمىس جاسايدى.

دانا ساعىنبەك

Baq.kz