اعزاعا زيان تاعام تۇرلەرى

استانا. قازاقپارات - جۋىردا اقش عالىمدارى بولاشاق ۇرپاق ءۇشىن ەڭ زياندى تاعامدى انىقتاۋ ماقساتىندا ارنايى زەرتتەۋ جۇرگىزدى.

زەرتتەۋ بارىسىندا بەلگىلى بولعانداي، بالالارعا جەدەل دايارلاناتىن تاعامدار، سونىڭ ىشىندە قۋىرىلعان تاۋىق، كارتوفەل فري، چيزبۋرگەر، چيپستەر جانە باسقا دا وسى تەكتەس تاعامدار وتە زياندى ەكەنى انىقتالدى. ماماندار وعان قوسا قۇرامىندا تاتتىلىگى جوعارى كامپيت، شوكولادتاردى دا بالالارعا مولشەرمەن بەرۋ كەرەك ەكەنىن ايتادى.

ەندەشە بۇگىن سىزدەرگە ارزان ءارى اعزاعا زياندى ازىق- تۇلىكتەردىڭ ءتىزىمىن ۇسىنامىز:

دايىن كارتوپ ەزبەسى، سمۋزي جانە ت. ب.

ارينە، دايىن كارتوپ ەزبەسى، «سمۋزيلەردە» جانە ودان دا باسقا سۇيىق تاعامداردا ءبىر قاراعاندا ەشقانداي زيان نارسە بايقاي المايسىز. الايدا، بۇل تاعامداردى دا ءجيى پايدالانۋ اسقازاندى ءتۇرلى اۋرۋلارعا شالدىقتىرادى.

ەت كونسەرۆلەرى مەن شۇجىقتار

ەڭ زياندى تاعامداردىڭ ءتىزىمىن جاساپ جاتقاندا كەز- كەلگەن كونسەرۆلەنگەن تاعامدار مەن شۇجىقتى اتاپ وتپەۋ مۇمكىن ەمەس. بۇل تاعامدار دا سىرت كوزگە اسا زياندى بولىپ كورىنبەيدى... الايدا، ءسىز سۋپەرماركەتتەن ساتىپ العان شۇجىعىڭىز نەدەن جاسالعاندىعىن ناقتى بىلەسىز بە؟ قۇرامىندا نە بار؟ كوبىنە كونسەرۆلەر مەن شۇجىقتاردا ءتۇرلى كونسەرۆانتتار مەن دامدەۋىشتەر، بوياۋىشتار سىندى وزگە دە ءتۇرلى زاتتار مولشەرىنەن تىس كوپ بولادى.

مارگارين، ءتاتتى توقاشتار

ەڭ زياندى مايلاردىڭ بارلىعى مارگاريننىڭ قۇرامىنان تابىلادى. سوندىقتان، مارگارين قوسىلعان تاعامداردىڭ بارلىعى زياندى. كوشەدەن ساتىپ الىنعان تورت پەن ءتاتتى توقاشتاردى كوپ جەگەن جاعدايدا سەمىزدىكتەن قۇتىلۋ مۇمكىن ەمەس.

كوفە مەن ەنەرگەتيكالىق سۋسىندار

ەرەسەك ازاماتقا كۇنىنە ەكى شىناياق كوفەدەن ارتىق ىشۋگە بولمايدى. اسىرەسە، ادام اعزاسىنا ەرىگىش كوفە اسا زياندى. ول اسقازان قىجىلىنا ءجيى الىپ كەلەدى. ال، ەنەرگەتيكالىق سۋسىنداردىڭ قۇرامىندا كوفەيننەن بولەك قانت، بوياۋىش، حيميا جانە گازدار بار.

جىلدام دايىن بولاتىن سورپالار

جىلدام دايىن بولاتىن سورپالار (دايىن سورپالار) دا ادامنىڭ اعزاسىنا وتە زيان. ويتكەنى، ولاردىڭ قۇرامىندا تۇز بەن دامدەۋىشتەر شامادان تىس كوپ بولادى. ولاردى ايىنا ءبىر رەت پايدالانعاننان ەشقانداي زيانى بولا قويمايدى، الايدا، ءجيى جەۋگە تىيىم سالىنادى، اسىرەسە، بالالارعا وتە زياندى.

يوگۋرت پەن بالمۇزداق

ءبىزدىڭ ويىمىزشا، يوگۋرت سۇتتەن جاسالعاندىقتان ادام اعزاسىنا پايداسى ۇلكەن دەپ ەسەپتەيمىز. ءبىراق ولاي ەمەس. يوگۋرتتىڭ قۇرامى رەتتەۋىش، قويۋلاندىرعىش، يىستەۋىش سىندى قوسپالارعا وتە باي. بالالار ءسۇيىپ جەيتىن بالمۇزداقتىڭ دا زيانى كوپ. بالمۇزداق اعزاداعى زات الماسۋدى باياۋلاتاتىن كۇشكە يە.

Baq.kz