الەۋمەتتىك جەلى سىبايلاس جەمقورلىقپەن كۇرەستە ءتيىمدى قۇرال بولا الادى - چجوۋ ليان
بۇل پىكىردى بۇگىن ەلوردادا ءوتىپ جاتقان قازاقستان حالقى اسسامبلەياسىنىڭ «بەيبىتشىلىك پەن كەلىسىم مادەنيەتى» اتتى Ⅱحالىقارالىق مەديا فورۋمى بارىسىندا «شينحۋا» اقپارات اگەنتتىگىنىڭ قازاقستاداعى شەف- ءتىلشىسى چجوۋ ليان ءبىلدىردى.
«بۇگىندە ازاماتتار كەڭىنەن قولداناتىن الەۋمەتتىك جەلى قوعامداعى جەمقورلىق كورىنىستەرىمەن كۇرەستە ءتيىمدى قۇرال بولا الادى. ويتكەنى، جەلىدە جاريالانعان اقپاراتتاردىڭ قۇقىق قورعاۋ ورگاندار تارابىنان تەرگەۋ امالدارىنىڭ باستالۋىنا تۇرتكى بولىپ، تالاي شەنەۋنىكتىڭ قىلمىسى اشكەرەلگەنى بەلگىلى» - دەپ اتاپ ءوتتى ول.
ماسەلەن، ونىڭ ايتۋىنشا، قىتايدا اپات ورىن العان جەرگە كەلگەن شەنەۋنىكتىڭ قولىنداعى قىمبات ساعات جۇرتشىلىقتىڭ نازارىن اۋدارىپ، بۇل جايت الەۋمەتتىك جەلىدە تارالعاننان كەيىن ونىڭ ۇستىنەن قۇقىق قورعاۋ ورگاندار تارابىنان قىلمىستىق ءىس قوزعالعان.
«الەۋمەتتىك جەلىنىڭ تەرىس ىقپالى بولاتىندىعىن دا ەستەن شىعارماعان ابزال. كەي كەزدە نەگىزسىز، ەش دالەلسىز جاريا ەتىلگەن اقپارات قوعامدا دۇربەلەڭ تۋعىزىپ كەلەڭسىز جايتتاردىڭ ورىن الۋىنا تۇرتكى بولادى» ، - دەدى چ. ليان.
اۆتور: مارلان جيەمباي
