ەسەپپەن ەمەس، سەزىممەن وتاۋ قۇرعىڭىز كەلسە
تۇرمىس قۇرۋعا ۇسىنىس بىلدىرگەندەر ىشىنەن ومىرلىك جاردى وسى كريتەري بويىنشا تاڭدايتىندار ءجيى كەزدەسەدى. ولاردىڭ كوبى ەرەسەك قىزدار.
ەسسىز سەزىمنىڭ جەتەگىندە كەتپەي، اقىلدىڭ ايتقانىنا دا قۇلاق ءتۇرىپ قويعان، ارينە، دۇرىس. ءبىراق مۇنداي تاڭداۋدىڭ بولاشاعى باياندى بولۋى ەكىتالاي. «جىگىتتى اقىلىڭ كىرمەي تۇرىپ، جاسىڭ جيىرماعا جەتپەي تۇرىپ سەزىممەن تاڭدا» دەپ كەڭەس بەرەتىن كوپتى كورگەن اپالارىمىز بىردەڭە ءبىلىپ ايتاتىن بولار.
قىز بەن جىگىت كەزدەسىپ جۇرگەن كەزىنەن-اق ءبىر-ءبىرىنىڭ بار جاعدايىن جاسايدى:
- اقشانى ورتاق پايدالانىپ، جىگىت قىزىنىڭ كيىمىن، تاماعىن، بار قاجەتىن ساتىپ الىپ بەرەدى؛
- كۇن دەمەي، ءتۇن دەمەي باراتىن جەرىنە كولىكپەن جەتكىزىپ تاستايدى؛
- قىز جىگىتتىڭ تاماعىن ازىرلەپ، كيىمىن جۋىپ، ۇتىكتەپ دايىندايدى؛
- ساباعىن، جۇمىسىن ورىنداپ بەرەدى.
ءبىر-بىرىنە قامقورلىق تانىتقانى قۇپتارلىق ءىس، ءبىراق، مولشەردى ءبىلىپ، شەكتەن شىقپاۋ قاجەت.
ناتيجەسى
ادام تىم وبەكتەي بەرگەننەن دە جالىعادى.
شاڭىراق كوتەرگەندە دە، قىز-جىگىت بوپ جۇرگەندە دە وسى عوي دەپ جىگىتتەر جاعى نەكەلىك ومىرگە اسىقپاي ءجۇرىپ الۋى ىقتيمال.
ءوزىن ءومىر بويى قارىزدار سەزىنەدى.
وسىنشا جاقسىلىعىن جاۋاپسىز قالدىرىپ كەتە المايمىن دەپ، سەزىمى سۋىسا دا باس تارتا المايدى.
ول بولماسا جاعدايىمدى كىم جاسايدى، بابىمدى كىم تابا الادى دەپ ويلاپ كەتىپ قالا المايدى.
وسىدان ماجبۇرلىك تۋىندايدى. سىزگە سەزىمى سونگەن كىسىنىڭ ماجبۇرلىكپەن ۇيلەنگەنى قاجەت پە؟
نە ىستەۋ كەرەك؟
قيقارىلىق تانىتۋ. «جوق» دەگەن جاۋاپ بار ەكەنىن دە كورسەتۋ. «بار بولمىس- بىتىمىڭىزبەن قابىلداي الا ما؟»، «مىنەزىڭىزدىڭ بارلىعىنا توتەپ بەرە بىلە مە؟»، «ءبارى كەش بولعاندا بارماق تىستەپ قالماي ما؟» دەگەن سۇراقتارعا وڭتايلى جاۋاپ تابۋ كەرەك. جوعارىدا ايتىلعانداي، مولشەردى بىلگەن ءجون. قولىڭىزدان كەلگەنشە كومەكتەسىڭىز، ءبىراق ىقپالىنا تولىق ءتۇسىپ كەتپەي، شەكارانى ساقتاڭىز.
massaget.kz
