15:38, 12 - قاراشا 2015 | GMT +5
قانات يسلام كەلەسى جەكپە- جەگىن قىتايدا وتكىزۋى مۇمكىن
الماتى. قازاقپارات - قازاقستاندىق بوكسشى قانات يسلام كەلەسى جەكپە-جەگىن قىتايدا وتكىزۋى مۇمكىن، - دەپ حابارلايدى Vesti.kz.
باسىلىمنىڭ مالىمەتىنشە، اسپان استى ەلىندەگى كەزدەسۋ قازاقستاندىق بوكسشىنىڭ الداعى جىلعى العاشقى جەكپە-جەگى بولماقشى. بۇعان دەيىن تانىمال مەسەنات باۋىرجان وسپانوۆ قانات يسلامنىڭ كاسىبي بوكستا الەمدىك جەتەكشى كومپانيامەن كەلىسىمشارت جاساساتىنىن، سونىمەن قاتار قازاقستاندىق بوكسشىعا امەريكا مەن قىتايدا قىزىعۋشىلىقتىڭ جوعارى ەكەنىن ايتقان بولاتىن.
ەسكە سالا كەتەيىك، قانات يسلام 8 -قاراشادا دومينيكان رەسپۋبليكاسىنىڭ بوكسشىسى، 31 جاستاعى دجوناتان باتيستامەن كەزدەسكەن بولاتىن. ول قارسىلاسىن ءبىرىنشى راۋندتا نوكاۋتقا ءتۇسىردى.
