بەيجىڭدە «قىتايداعى قازاقستان دوستارىنىڭ كلۋبى» قۇرىلدى - فوتو
شاراعا قىتايدىڭ بەدەلدى مەملەكەت قايراتكەرلەرى قاتىستى. ولاردىڭ قاتارىندا ق ح ر سىرتقى ىستەر ءمينيسترىنىڭ ورىنباسارى، بۇرىنعى ق ح ر- دىڭ ق ر- داعى ەلشىسى چەن گوپين (Cheng Guoping)، بۇرىنعى ق ح ر سىرتقى ىستەر ءمينيسترىنىڭ تۇراقتى ورىنباسارى تيان تسزەنپەي (Tian Zengpei)،
ق ح ر- دىڭ ق ر- داعى ءبىرىنشى ەلشىسى، بۇرىنعى ق ح ر سىرتقى ىستەر ءمينيسترىنىڭ ورىنباسارى چجان دەگۋان (Zhang Deguang)، ورتالىق ازيا جانە قىتايدىڭ دوستىق قوعامى ءتوراعاسىنىڭ ورىنباسارى، ق ح ر- دىڭ ق ر- داعى بۇرىنعى ەلشىسى چجوۋ سياوپەي (Zhou Xiaopei)، ش ۇ ا و ق ك پ تۇراقتى كوميتەتىنىڭ مۇشەسى عانيبەت سابكەي ۇلى، بەلگىلى جازۋشى، قىتايدىڭ حالىقتىق ساياسي تۇسىندىرمەلىك كەڭەسىنىڭ مۇشەسى اكبار ماجيت جانە ت. ب. بار.
بۇل شاراعا قازاقستان اتىنان ق ر سىرتقى ىستەر ءمينيسترىنىڭ ورىنباسارى اسقار مۋسينوۆ، ق ر- دىڭ ق ح ر- داعى توتەنشە جانە وكىلەتتى ەلشىسى شاحرات نۇرىشيەۆ، ق ر ي د م ورتالىق اپپاراتىنىڭ قىزمەتكەرلەرى قاتىستى.
«مەن بەيجىڭگە بۇل ساپارىم «قىتايداعى قازاقستان دوستارىنىڭ كلۋبى» قۇرىلىپ جاتقان شاراعا ءدوپ كەلگەنىنە قۋانىشتىمىن. مەن وسى كلۋبتىڭ قىزمەتى جانە سىزدەردىڭ بارشاڭىزدىڭ جۇمىستارىڭىز ەلشىلىكتىڭ ساياسي، ەكونوميكالىق جانە مادەني ارىپتەستىكتى تەرەڭ دامىتۋعا كومەك بەرەتىنىنە سەنىمدىمىن»، - دەدى ا. مۋسينوۆ ءوز سوزىندە.
قىتايدىڭ ماڭىزدى باستامالارىنا قولداۋ بىلدىرەتىنىن ايتا كەلە ول «جىبەك جولى ەكونوميكالىق بەلدەۋى» باستاماسى مەن «نۇرلى جول» باعدارلاماسىنىڭ ۇندەسىپ جاتقانىن ەسكە سالدى.
ءوز سوزىندە ق ح ر- دىڭ سىرتقى ىستەر ءمينيسترىنىڭ ورىنباسارى، بۇرىنعى ق ح ر- دىڭ ق ر- داعى ەلشىسى چەن گوپين قىتاي- قازاقستاندىق قاتىناستاردىڭ نىعايۋى مەن ەكى ەل حالىقتارى اراسىنداعى دوستىق وسى وتىرىسقا ءاربىر قاتىسۋشىنىڭ ومىرىندەگى ەڭ ماڭىزدى ءىس بولىپ سانالاتىنىن اتىپ ءوتتى.
