عالامشارداعى ەڭ بويى ۇزىن ادام قايتىس بولدى
جول اپاتىنا ۇشىراعان ەر ادام ودان كەيىن قايتا دەنساۋلىعىن جاقسارتىپ، اياققا تۇرا المادى.
ول 72 كەلى سالماق جوعالتتى، بۇل رەتتە بويى 12 سانتيمەترگە وسكەن. بۇلشىق ەتتەرىنىڭ السىرەگەنى سونشالىق، پورنچايدىڭ 153 كەلى سالماعىنا شىداي دا المادى.
اناسىنىڭ ايتۋىنشا، ۇلىنىڭ بويى التىنشى سىنىپتان جىلدام وسە باستاعان. دارىگەرلەر ونىڭ بويىنىڭ ءوسۋى گورمونالدىق اۋىتقۋشىلىققا بايلانىستى بولعانىن انىقتادى.
پورنچايدىڭ اۋرۋحانادا جاتقانى تۋرالى اقپارات جەرگىلىكتى ب ا ق بەتتەرىنە ءبىر ايداي ۋاقىت بۇرىن تۇسكەن. بەلسەندىلەر بۇل ادامنىڭ ەمدەلۋىنە كومەكتەسۋدى شەشىپ، 3 مىڭعا جۋىق دوللار قاراجات جيناعان. وكىنىشكە قاراي، ەندى بۇل اقشا الىپ ادامنىڭ جەرلەۋ ءراسىمىن وتكىزۋگە جۇمسالادى.
پورنچاي جەر بەتىندەگى بويى ەڭ ۇزىن ادام رەتىندە رەسمي جازىلماعانىن اتاپ ءوتۋ كەرەك. بۇعان ول تۇرعان پروۆينسيانىڭ بيلىگى كىنالى - ولار ءوز جەرلەسىنىڭ دارەجەسىن راستاۋ ءوتىنىمىن بەرىپ ۇلگەرمەدى. گيننەستىڭ رەكوردتار كىتابىندا بۇل ساناتتا تۇرىك ازاماتى سۇلتان كەسەننىڭ ەسىمى جازىلعان. بۇل ادامنىڭ بويى - 2 مەتر، 51 سانتيمەتر.
