تەاتر قىزمەتكەرلەرىنىڭ جالاقىسى ەكى ەسەگە ارتادى - الەۋمەتتىك دامۋ ءمينيسترى

استانا. قازاقپارات - استانا قالاسىنىڭ اكىمدىگىندە جۇمىسشى توپقا جاڭا ەڭبەك كودەكسىنىڭ نورمالارىن تۇسىندىرە وتىرىپ، دەنساۋلىق ساقتاۋ جانە الەۋمەتتىك دامۋ ءمينيسترى تامارا دۇيسەنوۆا جاڭا ەڭبەكاقى تولەۋ جۇيەسىنە سايكەس مادەنيەت سالاسىندا جۇمىس ىستەيتىن ازاماتتاردىڭ جالاقىسى شامامەن ەكى ەسەگە ارتاتىن ءمالىم ەتتى.

«مادەنيەت سالاسىندا جۇمىس ىستەيتىن ازاماتتاردىڭ ورتاشا ەڭبەكاقىسى بۇگىندە 37-47 مىڭ تەڭگەنى قۇراپ ءجۇر. ال جاڭا جۇيەگە سايكەس، ەڭ تومەنگى جالاقى 69 مىڭ تەڭگەگە دەيىن وسەدى. مادەنيەت سالاسىنداعى ارتىستەر، مۋزەي قىزمەتكەرلەرى، كىتاپحانا قىزمەتكەرلەرى، تەاتر قىزمەتكەرلەرىنىڭ جالاقىسى جاڭا جۇيەگە سايكەس وسىنداي جالاقى الادى»، - دەدى مينيستر.

بۇعان دەيىن حابارلاعانىمىزداي، جاڭا جىلدان باستاپ دەنساۋلىق ساقتاۋ سالاسىنداعى قىزمەتكەرلەردىڭ ەڭبەكاقىسى %7 دان %28 عا دەيىن، ۇستازداردىڭ ەڭبەكاقىسى %15 دان %29 عا دەيىن، مادەنيەت، سپورت سالاسىندا، اۋىل شارۋاشىلىعىندا ەڭبەك ەتىپ جۇرگەن ازاماتتاردىڭ جالاقىسى ورتاشا ەسەپپەن %40 عا دەيىن وسپەك. ت. دۇيسەنوۆا ايتىپ وتكەندەي، جاڭا ەڭبەكاقى جۇيەسىن ەنگىزۋ - مەملەكەت باسشىسىنىڭ تاپسىرماسى.

اۆتور: كەنجەكەي توقتامۇرات قىزى