العاشقى كەزدەسۋدەگى قىزداردىڭ قاتەلىكتەرى

استانا. قازاقپارات - العاشقى كەزدەسۋ ەستەن كەتپەس، كوپتەن كۇتكەن سانالعانىمەن، وتە ماڭىزدى بولىپ تابىلاتىنى راس.

جانە جۇكتەلەر جاۋاپكەرشىلىگى مەن ارتىلار مىندەتى ايتارلىقتاي. سەبەبى، ءبىرىنشى كەزدەسۋدەن كەيىن ەركەكتى ەلىكتىرە الاسىز نەمەسە العاشقى كەزدەسۋدە-اق ونى جالىقتىرىپ الۋىڭىز ابدەن مۇمكىن. «ءبىر جىگىت، ەكىنشى جىگىت... ءارى قاراي وسىلاي جالعاسىن تاۋىپ، قارىم- قاتىناس ورناماي جاتادى، «ەشتەڭە ەتپەس، بالكىم، تاعدىر ەمەس» دەرسىز، دەگەنمەن، اراقاتىناس ءسىزدىڭ قاتەلىكتەرىڭىزدىڭ كەسىرىنەن ورناماسا شە؟ وسى تۇرعىدا ءسىز بىلۋگە ءتيىس، العاشقى كەزدەسۋدەگى قىزداردىڭ قاتەلىكتەرىن نازارلارىڭىزعا ۇسىندىق.

كەز-كەلگەن جىگىت العاشقى كەزدەسۋدە سىرتقى بولمىسىڭىزعا قاراپ باعا بەرەدى. تىم اقىلدى نە سالماقتى بولىپ كورىنۋگە تىرىسپاڭىز. دانىشپانسىپ سويلەپ وزىڭىزگە قىزىقتىرا الماۋىڭىز مۇمكىن.

دەسە دە، ءمۇلايىمسىپ تۇككە تۇسىنبەي قالىپ جۇرمەڭىز.

ەر مىنەزدىلىك كورسەتپەڭىز! جىگىتتەردىڭ ءبارىن ءوزى جايعاستىرا الاتىن، بىرەۋدىڭ كومەگىنە مۇقتاجدىعى جوق قايسار ارۋدان گورى نازىك جاندىلار جىگىتتەردى قىزىقتىرادى.

بار سىرىڭىزدى اقتارىپ سالۋدان اۋلاق بولىڭىز! پروبلەماسى كوپ بويجەتكەندەر دە جىگىتتىڭ قىزىعۋشىلىعىن سۋ سەپكەندەي باسادى.

بۇرىنعى جىگىتتەرىڭىزدى ايتا بەرمەڭىز! ءبىرىنشى كەزدەسۋدە وتكەن-كەتكەن جىگىتتەردى تالقىلاپ نە بۇرىنعى عاشىعىڭىزدى ايتۋدىڭ مۇلدەم قاجەتى جوق. ەركەك اتاۋلىعا قولداپ، قولپاشتاپ، ولاردى باعالاي بىلگەنىڭىز ماڭىزدى.

جىگىتتىڭ نامىسىنا ءتيىپ قالماڭىز! كەمشىلىگىن باس سالىپ ايتا سالماڭىز. ەسىڭىزگە سالا كەتەيىك، ولار جانىنداعى ارۋ جاقسىلىعىن اسىرىپ، جاماندىعىن جاسىرا بىلگەنىن قالايدى.

سونداي- اق، الدىمەن، بەت- الپەتىڭىزگە، بولمىس- بىتىمىڭىزگە، سىمباتىڭىزعا جىگىت تاراپىنان نازار اۋدارىلاتىنى انىق. سوندىقتان، تازا، ادەمى، ۇقىپتى بولىپ ءجۇرىڭىز. ال قىزداردىڭ قاتتى بويانعانى ولارعا ۇنامايدى.

anabol.kz