كوكتەمگى سۋ تاسقىنىنان كەيىن باسپانالى بولعان قاراعاندىلىقتار ەلباسىنا العىس ايتتى
دەپ حابارلادى اقوردانىڭ باسپا ءسوز قىزمەتىنەن.
اۆتورلار وزدەرىنە ەڭ ءبىر قيىن ساتتەردە كورسەتىلگەن كومەكتىڭ ماڭىزدىلىعىن اتاپ وتكەن.
«سول كەزدە، وسىدان التى اي بۇرىن، ءبىزدىڭ كوپشىلىگىمىز شىن مانىندە باسپاناسىز قالدىق. جىلدار بويى جيناعانىمىزدى، تىرنەكتەپ ءجۇرىپ سالعان ءۇي- جايىمىزدى ءاپ- ساتتە لاي باسىپ، مۇلدە جارامسىز بولىپ قالدى. كوپشىلىگىمىزدىڭ قولىمىزدا شيەتتەي بالا- شاعا، قارتتار بار ەدى»، - دەلىنگەن حاتتا.
تۇرعىندار وسىنداي جاعدايدا مەملەكەت باسشىسى وزدەرىن نازارىنان تىس قالدىرماي، قول ۇشىن سوزعانىن اتاپ وتكەن.
«ءبىز اقشالاي وتەماقى الدىق. باسپاناسىز قالعانداردى جاتاقحانالارعا، جالدامالى پاتەرلەرگە ورنالاستىردى. ەلىمىزدىڭ بارلىق تاراپىنان جەدەل كومەك رەتىندە ءدارى- دارمەك، جىلى كيىم، ازىق- تۇلىك كەلە باستادى. سوسىن اكىمدىك قىزمەتكەرلەرى كەلىپ، ءسىزدىڭ تاپسىرماڭىزبەن ءبىز ءۇشىن جاڭا ۇيلەر سالىناتىنىن ايتقاندا، جۇرەگىمىزدى زور قۋانىش كەرنەدى»، - دەپ جازادى. اۆتورلار.
سونىمەن قاتار، ولار ورىنداۋعا بولىنگەن مەرزىمنىڭ قىسقا بولۋى سەبەپتى تاپسىرمانى جۇزەگە اسىرۋ ماسەلەسىنە قاتىستى الاڭداعاندارىن دا ايتقان.
«ءبىراق بۇگىن، بۇرىنعىمىزدان الدەقايدا جاقسى، جاڭا، جىلى ءارى جايلى ۇيدە وتىرىپ، الداعى سۋىقتا قايتەمىز دەگەن قورقىنىشتان ارىلعان كەزدە الاڭداۋشىلىعىمىز بەكەر بولعانىن تۇسىندىك. تاعدىرىمىزعا ءوزىڭىز تىكەلەي ارالاسقان كەزدە كۇماندانۋىمىز نەگىزسىز ەدى. ءسىز ءوزىڭىز ءۇشىن ازاماتتاردىڭ امان- ساۋلىعىنان اسقان ماڭىزدى مىندەت جوق ەكەنىن تاعى دا دالەلدەدىڭىز»، - دەلىنگەن حاتتا.
***
قاراعاندى وبلىسى بيىل كوكتەمگى تاسقىن سۋدان ەڭ كوپ زارداپ شەككەن ءوڭىردىڭ ءبىرى بولدى. تابيعي اپات سالدارىنان 449 ءۇي تۇرۋعا جارامسىز دەپ تانىلىپ، 2017 وتباسى زارداپ شەكتى. وبلىستا مەملەكەت باسشىسىنىڭ تاپسىرماسى اياسىندا ولارعا كومەك كورسەتۋ جونىندەگى جۇمىستار ۇيىمداستىرىلدى. اتاپ ايتقاندا، وتەماقىلار ۋاقتىلى تولەندى، ال 5 - مامىردا جاڭا ۇيلەر قۇرىلىسى باستالدى.
