زۋقا باتىردىڭ كەگىن العان وققاعارلار
... كەگى قايناعان جىگىتتەردىڭ ىشىندە ناسىر، ءشامي، كارىم دەگەن زۋقا باتىردىڭ تۋىستارى، دۇڭگەن ماجىمنىڭ (ءىبرايىم) ارتىنا تۇسەدى. ونىڭ ءبىر اۋىلدا سيىر جايىپ جۇرگەنسىپ كەلە جاتقانىن كورەدى.
سول تۇندە ماجىمنىڭ، ۋاقيعادا ءوزىن جوق ەدى دەگىزىپ اۋىل اراسىنىڭ ادامى قۇساپ جانسىز جۇرە بەرەدى. ويتكەنى زۋقانىڭ اۋىلىنا كىناسىز ادام سياقتى قايتا ورالىپ تولەگەتايمەن سۇلتانشارىپتىڭ كوزىن جويۋ ماقساتىن كوزدەيدى.
ولار ماجىمنىڭدى قولعا تۇسىرگەن سوڭ الدىمەن اتقا سۇيرەتەدى. سودان كەيىن ءشامي، ماجىمنىڭدى ارقاسىنان كەلىپ قاپسىرا قۇشاقتاپ تۇرىپ، توبە تەرىسىن تىستەي الادى. اۋزى قارىسىپ، ءبىر قولىمەن تاماعىن قىسىپ قويا بەرمەيدى. ساۋساقتارى قىران قۇستىڭ تەگەۋرىنىندەي وزەگىنە شانشىلادى. جانى شوشىعان ساتقىن جەرگە بەتىمەن قۇلايدى. ءشامي دە ونىڭ ۇستىنە جالپ ەتىپ جىعىلعاندا ماجىمنىڭ باس تەرىسى سىدىرىلىپ تۇسەدى. ءدال وسى ساتتە ناسىر ماجىمنىڭدى باۋىزداي سالادى. كارىم كەلىپ قارنىن جارىپ تاستايدى. ءشامي سوندا ولىكتىڭ جۇرەگىن سۋىرىپ الادى. ءۇش قاسقىردىڭ اۋزىنا تۇسكەن قانسوقتا ءوستىپ جانشىلادى.
ال، مادىحىننىڭ (جاقيانڭ) سارى ىزىنە ءشوپ سالىپ جۇرگەن ەلدەر ونى يەن دالادا جالعىز كەلە جاتقاندا ۇستاپ ءولتىرىپ، باسىن شاۋىپ، كەرت كەسىلگەن مۇقىل تەرەكتىڭ باسىنا ءىلىپ كەتەدى. وسى اعاشتىڭ ورنى ءالى بار دەپ ايتىلادى. سول جەردەن جۇرگەن ەل، جاقياعا لاعنەت ايتىپ وتەدى ەكەن دەپ ايتقان ەدى جازۋشى باتىرقان قۇسبەگين اعامىز.
جاقيانى ولتىرگەن ادامداردىڭ ىشىندە قاراقاس رۋىنىڭ نازار دەگەن تابىنىڭ ۇرپاقتارىنان الدا كەلگەن سماعۇل زالىڭ بار ەدى. زۋقانىڭ ۇلدارى اكەسىنىڭ كەگىن العان وسى كىسىمەن احيرەتتىك دوس بولعان.
kerey.kz
