قاراعاندى وبلىسىندا بيەنىڭ تازا سۇتىنەن قۇرعاق ۇنتاق ءوندىرۋ ماقساتىندا جىلقى فەرماسى ىسكە قوسىلدى
دەپ حابارلايدى «قازاگرو» ا ق باسپا ءسوز قىزمەتىنەن.
«قاز اگرو قارجى» ا ق قولداۋىمەن ىسكە قوسىلعان جوبا قاراعاندى وبلىسىنىڭ وساكاروۆكا اۋدانى شالعاي اۋىلدىق وكرۋگىندا بيەنىڭ تازا سۇتىنەن سۋبليماتسيالىق ءادىس ارقىلى قۇرعاق ۇنتاق ءوندىرۋ ماقساتىندا، جىلقى فەرماسى كەشەنىن قۇرۋدى كوزدەيدى.
بۇگىنگى تاڭدا شارۋاشىلىقتا 1300 باس نەگىزگى مال تابىنى بار. جايىلىم جەرلەرىنىڭ جالپى الاڭى 24,5 مىڭ گەكتار، ەگىستىك جەرلەرى 11 مىڭ گەكتاردان اسادى، سۋارمالى جەرلەرى 1,5 گەكتار. جوبانىڭ جالپى قۇنى - 1439163 مىڭ تەڭگە.
جوبانىڭ شەڭبەرىندە عيماراتتاردىڭ، باسقا دا قاجەتتى ينفراقۇرىلىمداردىڭ قۇرىلىستارى جۇزەگە اسىرىلعان، بيەنىڭ تازا سۇتىنەن قۇرعاق ۇنتاق وندىرەتىن تەحنولوگيالىق جابدىق، تەحنيكا مەن بيولوگيالىق اكتيۆتەر ساتىلىپ الىنعان.
جوبانىڭ قۋاتى - جىلىنا 10 توننا قۇرعاق ۇنتاقتى قازاقستاننىڭ تاماق، فارماتسيەۆتيكالىق جانە كوسمەتولوگيالىق ونەركاسىپتەرىندە پايدالانىلاتىن، سونداي- اق ەۆرو وداق ەلدەرىنە ەكسپورتتالاتىن قۇرعاق ۇنتاق ءوندىرۋ.
بۇل تاماق ونىمدەرى، فارماتسيەۆتيكا جانە مەديتسينا تەحنولوگيالارى سالالارىنداعى سوڭعى الەمدىك زەرتتەمەلەردى قولدانا وتىرىپ، جوعارى تەحنولوگيالى قازىرگى زامان يننوۆاتسيالىق ءوندىرىس ەكەنىن ايتىپ كەتۋ قاجەت.
بيە سۇتىنەن الىناتىن سۋبليميرلەنگەن قۇرعاق ۇنتاق ارنايى قوندىرعىدا ۆاككۋمدىق كەپتىرۋ ارقىلى ازىرلەنەدى. سۋبليماتسيالىق كەپتىرۋ بويىنشا تەحنولوگيالىق جەلىنىڭ جابدىعى تىكەلەي جانۋارلاردىڭ ورنالاسقان ورنىنا جاقىن جەرگە ورناتىلعان. بۇل تەحنولوگيالىق تالاپتارمەن سەبەپتەلەدى - ساۋىلا باستاعان ساتىنەن باستاپ تەحنولوگيالىق قايتا وڭدەلە باستاعالعا دەيىن 15-20 مينۋتتان ارتىق ۋاقىت وتپەۋگە ءتيىستى. جوبانىڭ اۆتورلارى سەندىرىپ وتىرعانداي، بۇل جاڭا ساۋىلعان بيە ءسۇتىنىڭ بارلىق پايدالى ساپاسىن ۇزاق ۋاقىتقا تولىق ساقتاپ قالۋعا مۇمكىندىك بەرەدى.
قازىرگى كۇنگە جىلقى فەرماسى ءوزىنىڭ ونەركاسىپتىك اينالىمىن ۇلعايتىپ، بيە سۇتىنەن قۇرعاق ۇنتاق وندىرۋدە. 2015 - جىلدىڭ تامىز ايىنان بەرى بيە سۇتىنەن قۇرعاق ۇنتاقتىڭ ءبىر توننادان ارتىق العاشقى پارتياسى ءوندىرىلدى. ءونىمنىڭ كوپشىلىك بولىگىنە ەندىگى ساتىپ الۋشىلار تابىلىپ تا قويىلعان.
ايماق ءۇشىن ەڭ باستىسى - جوبانىڭ الەۋمەتتىك اسپەكتىسى، ويتكەنى ول 30 ادامدى تۇراقتى جۇمىسپەن قامتاماسىز ەتەدى. بۇل دەگەنىمىز، ولار ءۇشىن تۇراقتى جالاقىنى، دەمەك، ولاردىڭ جانۇيالارىنىڭ اماندىعىن قامتاماسىز ەتەدى.
اتالمىش جوبا وساكاروۆكا اۋدانىنان يندۋستريالاندىرۋ كارتاسىنا ەنگىزىلگەن ءۇش جوبانىڭ ءبىرى بولىپ تابىلادى.
