17:30, 09 - قاراشا 2015 | GMT +5
جاھاندىق جىلىنۋدان كەدەيلەر سانى كۇرت ارتادى
استانا. قازاقپارات - دۇنيەجۇزىلىك بانكتىڭ تاياۋدا جاسالعان بايانداماسىندا وسىلاي دەلىندى. قۇجاتقا سايكەس، اۋا قاباتىنا زياندى گازداردىڭ ءبولىنۋى، تابيعي اپاتتار مەن ءتۇرلى اۋرۋلاردىڭ ارتۋى جەردەگى كەدەيلەر سانىن 100 ميلليونعا ارتتىرادى.
عالامشارداعى ورتاشا تەمپەراتۋرانىڭ ارتۋى سالدارىنان شارۋالار ەگىندى از جيناپ، بۇدان ازىق- تۇلىك باعاسى قىمباتتايدى. مۇنىمەن قوسا، ءزىلزالا سانىنىڭ ارتۋى ءتۇرلى اۋرۋلاردى قوزدىرىپ، افريكا مەن وڭتۇستىك ازيانى تيتىقتاتادى. وسى رەتتە دۇنيەجۇزىلىك بانك پرەزيدەنتى دجيم ەن كيم بىلاي دەدى: «ءبىزدىڭ باياندامانىڭ باستى ماقساتى - جاھاندىق جىلىنۋدى ەداۋىر ازايتپايىنشا، كەدەيلىك دەڭگەيىنىڭ تومەندەمەيتىنىن جۇرتقا جەتكىزۋ» . تالداۋعا سايكەس، 2030 -جىلدارى دۇنيە جۇزىندە ەگىستىڭ %5 ى، ال 2080 -جىلعا تاياۋ %30 ى كەم جينالادى. ىستىق سالدارىنان بەزگەك، ءىش اۋرۋى جانە وزگە دە دەرتتەر ادامزاتتى دەندەپ الادى. دۇنيەجۇزىلىك بانك بولجامى بويىنشا 2030 -جىلى تاماق باعاسى 12 پايىزعا، ال 2080 -جىلى 80 پايىزعا قىمباتتايدى.
دايىنداعان: گ. ابيلوۆا
