قازاق كۇرەسىنەن فەدەراتسيا كۋبوگى وتەدى
تاراز قالاسىنداعى «تاراز-ارەنا» سپورت سارايىندا وتەتىن فەدەراتسيا كۋبوگىنا قازاق كۇرەسىنەن جيىرماعا جۋىق كلۋبتىق كوماندا قاتىسادى.
ولاردىڭ قاتارىندا قازاق كۇرەسىنەن مامانداندىرىلعان مەملەكەتتىك جانە جەكە سپورت كلۋبتارى، قۇرامىندا قازاق كۇرەسى ءبولىمى جۇمىس جاسايتىن بالالار مەن جاسوسپىرىمدەر سپورت مەكتەبى، مامانداندىرىلعان بالالار مەن جاسوسپىرىمدەردىڭ وليمپيادالىق رەزەرۆ مەكتەبى، وليمپيادالىق رەزەرۆ ورتالىعى، جوعارعى سپورتتىق شەبەرلىك مەكتەبى، قازاق كۇرەسى بولىمىنە جاعداي جاسالعان مامانداندىرىلعان ارنايى ورتا وقۋ ورىندارى مەن ج و و- نىڭ كلۋبتارىنان جيىرماعا جۋىق كوماندا قاتىساتىن بولادى.
فەدەراتسيا كۋبوگىندا بالۋاندار 55، 60، 66، 74، 82، 90، 100، 100+ كەلى سالماق دارەجەلەرى بويىنشا كوماندالىق سىندا «بەتپە-بەت» سحەماسى كەزدەسۋ وتكىزەدى. ىرىكتەۋدەن 8 كومانداعا فينالدىق كەزەڭگە جولداما بەرىلەدى.
فەدەراتسيا كۋبوگىنىڭ جۇلدەگەرلەرىنە قوماقتى اقشالاي جۇلدە قورى تاعايىندالىپ وتىر. بۇل رەسپۋبليكا بويىنشا جۇلدە قورى جاعىنان العاشقى ۇشتىككە كىرەتىن جارىسقا بالانۋدا.
قازاقستان رەسپۋبليكاسى قازاق كۇرەسى فەدەراتسياسى
