قاسقىرلار تۋرالى قىزىقتى دەرەكتەر
اڭنىڭ جاق سۇيەگىنىڭ قىسىمى ءار سانتيمەترىنە 300 كەلىگە دەيىن جەتەدى. بۇل كورسەتكىش ءىرى يتتەردە ەكى ەسە تومەن. قاسقىرلار - وتە ءتوزىمدى كەلەدى جانە ءوز اۋماعىندا ەڭ قاھارلى جىرتقىش سانالادى. ءىرى ەركەك قاسقىرلاردىڭ سالماعى مەكەن ەتەتىن جەرىنە بايلانىستى 50-80 كەلى ارالىعىندا بولادى. نەعۇرلىم سولتۇستىككە جاقىن مەكەندەسە، سوعۇرلىم ءىرى كەلەدى.
قاسقىرلار تابيعاتىنان ادام تۇراتىن جەرلەرگە شابۋىل جاسامايدى. سونداي- اق، جالعىز- جارىم اڭشىلاردان اۋلاق جۇرەدى. الايدا، قىستىڭ قاقاعان سۋىق كۇندەرىندە توپ قاسقىرلاردىڭ ەلدى مەكەندەردەن جەمتىك ىزدەگەن كەزدەرى دە بولعان.
ءۇي جانۋارلارىنا قاۋىپ توندىرگەنىمەن قاسقىرلار ورماننىڭ بيوحيميالىق پروتسەسىن ساقتاپ تۇرۋعا اسا قاجەت. ءبىر ءىرى قاسقىر كۇنىنە 10 كەلى ەت جەي الادى.
كوبىنە ءۇيىر تۋىس قاسقىرلاردان قۇرالادى. ءۇيىر باسشىسى ەڭ مىقتى قاسقىر سانالادى. قالعاندارى وعان باس يەدى. نەگىزى، ءۇيىر باسشىسىنىڭ قانشىعى دا باسشىلىق جاساي الادى. ءبىراق، كوبىنە جاس قاسقىرلار مەن قانشىق قاسقىرلارعا باس- كوز بولادى. ۇرعاشى قاسقىر بولتىرىكتەرىن 65 كۇندەي كوتەرەدى. بولتىرىكتەردىڭ كوزدەرى العاشقىدا كوكشىل كەلەدى. ەسەيە كەلە عانا سارعىش تارتادى.
«قاسقىردىڭ ادالدىعى» دەگەن تۇسىنىك كەڭ تاراعان. سەبەبى، قاسقىرلار ومىرلىك سەرىگىن تەك ءبىر- اق رەت تاڭدايدى. وتباسى مۇشەلەرىنە كوبىنەسە جەمتىكتى قانشىق قاسقىرلار اكەلەدى. ال، بولتىرىكتەردى تۇتاس ءۇيىر بولىپ باعادى.
قاسقىرلاردا كوممۋنيكاتسيا مۇمكىندىگى وتە جاقسى دامىعان. ولار بەت الپەتى ارقىلى بىرنەشە ەموتسيا بىلدىرە الادى. ال، ۇلۋ، ءۇرۋ، ىرىلداۋ ارقىلى ولار وزدەرىنىڭ قايدا تۇرعانىن نەمەسە قاي جەردە جەمتىك بارىن اڭعارتادى.
ءبىر قىزىعى، قاسقىردى قولعا ۇيرەتۋ مۇمكىن ەمەس.
