ەجەلگى تۇرىك حالقىنىڭ نانىم- سەنىمدەرى

استانا. قازاقپارات - ەجەلگى تۇرىكتەر نەگىزىنەن قوس كۇشكە - كوككە (ونى ءتاڭىر دەپ اتاعان) جانە جەرگە (جەر- سۋعا) سىيىناتىن بولعانى تاريحتان جاقسى ءمالىم.

قاراپايىم تۇرىكتەر وزدەرىنىڭ قاعاندارىن سول كوك ءتاڭىرىنىڭ امىرىمەن بيلىك جۇرگىزىپ وتىر دەپ تۇسىنگەن. سونىمەن بىرگە، تۇرىكتەر تابىناتىن ءۇشىنشى كۇش بولعان. ول - ۇيدەگى وت باسى، بالا- شاعانى قورعاۋشى ايەل ءتاڭىرىسى ۇماي.

ەجەلگى تۇرىكتەر جەردى، دۇنيە كەڭىستىگىن ءتورت بۇرىشتى («ءتورت بۋلۋڭ» ) دەپ ويلاعان. بۇل ءتورت بۇرىش: - "ىلگەرۋ» (كۇن شىعىس) ، «قۋرىيا» ياعني «كەيىن» (كۇن باتىس) ، «بەرىيە» - «كۇن ورتاسى» (وڭتۇستىك) ، «يىرايا» - «ءتۇن ورتاسى» (سولتۇستىك) دەپ اتالعان.

سونىمەن بىرگە، ەجەلگى ەن دالانى، ورمان- توعايدى، تاۋ- تاستى ت. ب. كۇنى- ءتۇنى ءتۇرلى رۋحتار كەزىپ جۇرەدى دەپ تۇسىنگەن. تۇرىكتەر وتتى كيەلى قۇبىلىس ەسەپتەپ، ونى ءپىر تۇتقان. ز ۇلىمدىق، قاراڭعىلىق، جاماندىق اكەلەتىن رۋحتاردى وتپەن تازالاپ، الاستايتىن ءدىني عۇرىپ بولعان. تۇرىك قاعانىنا كەلگەن ۆيزينتيا ەلشىسى زەمارحتىڭ ءوزىن، ءتىپتى كيىم- كەشەگىنە دەيىن قالايشا وتپەن الاستاعانىن اتاقتى تاريحشى مەناندر قىزىقتى ەتىپ بايانداعان دەرەكتەر ساقتالعان.

ەجەلگى تۇرىكتەر ولگەن ادامدى شامان ءراسىمى بويىنشا جەرلەگەن. دالىرەك ايتساق، بيىكتەۋ جەرگە كيىز ءۇي تىگىپ، ولىكتى الدىمەن سول ۇيگە قويعان. سول ماڭايعا قۇرباندىققا اكەلگەن مالدى بايلاعان. ولگەن ادامنىڭ جاقىندارى جىلاپ- سىقتاپ، بەتىن تىلگىلەپ، شاشىن جۇلىپ ولىك جاتقان ءۇيدى رەت اينالاتىن بولعان. سوسىن بەلگىلەنگەن كۇنى قايتىس بولعان كىسىنىڭ كيىم- كەشەگىن، بارلىق زاتتارىن ونىڭ ءوز دەنەسىمەن بىرگە ورتەپ جىبەرەدى ەكەن. سوسىن ونىڭ كۇلىن جيناپ الىپ، تۋىستارى قولايلى مەرزىمدە جەرگە كومەتىن بولعان.

massaget.kz