تانىمال بلوگەر باۋىرجان بايبەككە الماتىنى جەزوكشەلەردەن تازارتۋ تۋرالى ۇسىنىس ايتتى
«قار كورمەگەن، شاڭعى تەپپەگەن شەتەلدىكتەر ءبىزدىڭ شىمبۇلاققا كەلىپ سىرعاناپ، مەدەۋگە بارىپ ماۋقىن باسادى. شەتەلدىكتەر دەپ شەگەلەپ ايتقانىمنىڭ دا سەبەبى بار. ولار تەك قولعاپ كيىپ قار ۇستاۋ ءۇشىن ەمەس، قىزدارعا قىرىنداپ، ويناس جاساۋ ءۇشىن دە كەلەدى ەكەن. مۇمكىن شىنىمەن دە شەتەلدىكتەر قىز ءۇشىن كەلەتىن شىعار؟ ! بۇل تاقىرىپتى مەن دە از زەرتتەمەدىم. ءتىپتى سەيفۋللين كوشەسىنە ارنايى بارىپ، جەزوكشەمەن سۇحباتتاستىم. كوپ سۇراق قويدىم. ءبىز كوپپىز دەيدى. جاپ- جاس قاراكوزدەر دە بار» - دەدى جۋرناليست ءارى بلوگەر.
سونداي- اق، ول ءوز سوزىندە الماتىعا جەزوەكشەلىكپەن اينالىسۋ ءۇشىن شەت ەلدىك بويجەتكەندەردىڭ دە كەلەتىنىن اتاپ ءوتتى.
«سىزدەردى بىلمەيمىن، شەتەلدىكتەردىڭ مەنىڭ ەلىمە قىز ءۇشىن كەلۋى جانىما قاتتى باتادى. ءتانىن ساۋدالاۋ ءۇشىن ارايلى الماتىعا كورشىلەس مەملەكەتتەردەن دە كەلەدى ەكەن. جامان- اق! ءبىز سول ادەتتەگىدەي قۇشاق جايىپ ولاردى دا قارسى الامىز. قوناقجاي حالىقپىز عوي، ەندى» ، - دەپ اشىندى بلوگەر.
ونىڭ بۇل ءوتىنىشى جاۋاپسىز قالمادى. اكىم باۋىرجان بايبەك بلوگەرلەرمەن كەزدەسۋ بارىسىندا بۇل وتىنىشكە «ماسەلەنى جاۋاپتى ماماندارمەن بىرگە شەشەتىن بولامىز» دەپ جاۋاپ بەردى.
ەستەرىڭىزگە سالا كەتەيىك، ءۇندىستاندىق جۋرناليست قازاقستاندا سەكس- تۋريزمنىڭ تانىمال بوپ تۇرعانى تۋرالى جازبا جازىپ، ەلدى شۋلاتقان ەدى. ارتىنشا بۇل مالىمدەمەسى ءۇشىن قازاقستاندىقتاردان كەشىرىم سۇراعان بولاتىن.
nur.kz
