10:12, 09 - قاراشا 2015 | GMT +5
نەپال فۋتبولشىلارىنا مەملەكەتكە ساتقىندىق جاسادى دەگەن ايىپ تاعىلدى
استانا. قازاقپارات - نەپالدا ءبىرقاتار فۋتبولشىعا 2011 - جىلى الەم چەمپيوناتىنىڭ ىرىكتەۋ تۋرنيرىندە الدىن الا ءسوز بايلاسىپ، ويناعانى ءۇشىن مەملەكەتكە وپاسىزدىق جاسادى دەگەن ايىپ تاعىلدى،
دەپ حابارلادى شەتەلدىك ب ا ق.
بيلىك مالىمدەمەسىنە سايكەس، ويىنشىلار ءۇش اپتا بۇرىن تۇتقىندالعان. تەرگەۋشىلەر ولاردىڭ بانك ەسەپشوتتارىندا ءىرى سوما بارىن انىقتادى. ولار اقشا ءۇشىن ويىننان جەڭىلۋگە كەلىسكەنى ءۇشىن ايىتپالماق.
ايىپتاۋ تارابى ەگەر ولاردىڭ كىناسى دالەلدەنسە، قاتاڭ جازا - ءومىر بويىنا باس بوستاندىعىنان ايىرۋدى سۇراماق.
ولاردىڭ ىشىندە قۇراما كاپيتانى ساگار تاپا، قاقپاشى ريتەش تاپا، سونداي- اق بۇرىنعى باپكەر كەيسي اندجان بار. جەرگىلىكتى فۋتبول فەدەراتسياسى تالقىلاۋ اياقتالعانعا دەيىن ولارعا الاڭعا شىعۋعا تىيىم سالدى.
ايىپتالۋشىلارعا قارسى سوت ءىسى جەكسەنبى كۇنى تىركەلدى.
