مارجان اراپبايەۆانىڭ ءانى ۇزدىك اسكەري ءان اتاندى - فوتو
بۇل تۋرالى ق ر قورعانىس مينيسترلىگىنىڭ باسپا ءسوز قىزمەتىنەن حابارلادى.
شىعارماشىلىق بايقاۋ ق ر قورعانىس مينيسترلىگىمەن دارىندى جاستاردى انىقتاۋ جانە ولارعا قولداۋ كورسەتۋ، اسكەري قىزمەتتىڭ ماڭىزدى ەكەنىنە قوعامنىڭ نازارىن بۇرۋ ءۇشىن جاريالاندى.
وزدەرىنىڭ جۇمىستارىن بايقاۋ كوميسسياسىنا قازاقستاننىڭ تۇكپىر- تۇكپىرىنەن 25 تەن اسا اۆتور جولداعان بولاتىن. بايقاۋ قوعامنىڭ قىزىعۋشىلىعن وياتىپ، ءار جىلدارى ءومىرى ارميامەن تىعىز بايلانىستى بولعان جانە اسكەري قىزمەت پەن اسكەردىڭ تىنىس- تىرشىلىگىن جاقسى بىلەتىندەردىڭ جۇرەكتەرىنەن ورىن تاپتى. بايقاۋ جۇمىستارىن باعالاۋ كەزىندە قۇرامىنا كاسىبي مۋزىكانتتار مەن اسكەري سالا وكىلدەرى كىرگەن ءادىلقازىلار القاسىمەن ورىنداۋ شەبەرلىگى، ءماتىننىڭ بىرەگەيلىگى، بەرىلگەن تاقىرىپقا مۋزىكالىق كومپوزيتسيانىڭ سايكەس كەلۋى، سونداي- اق ونەردى جالپى سەزىنۋى ەسكەرىلدى.
بايقاۋدىڭ شىڭىراۋ شەگىنە ق ر ق م ورتالىق اسكەري ءانسامبلدىڭ جاس مۋزىكانتى جانسۇلتان جۇماعاليەۆتىڭ ورىنداۋىنداعى مارجان اراپبايەۆا مەن ءابدىراحمان اسىلبەكتىڭ «ارميامىز ايبىندى!» اتتى شىعارماشىلىق دۋەتتىڭ جۇمىسى شىقتى. ارميالىق قىزمەت تۋرالى ۇزدىك كومپوزيتسيا بايقاۋىنىڭ فينالدىق اككوردى كاسىبي تۇرعىداعى ءان بەينەبايانىنىڭ ءتۇسىرىلىمى بولماق.
