جىلدىڭ ۇزدىك گولىنىڭ اۆتورى سىيلىعىنا ءۇمىتتى ون گول جايلى جاريالاندى

 استانا. قازاقپارات - ف ي ف ا فەرەنتس پۋشكاش ناگراداسىنا - جىلدىڭ ۇزدىك گولىنىڭ اۆتورى سىيلىعىنا ءۇمىتتى ون گول جايلى جاريالادى.

 6 - قاراشادان FIFA.com جانە francefootball.fr سايتتارىنىڭ پايدالانۋشىلارى جىلدىڭ ۇزدىك گولدارىنىڭ ۇشتىگىن انىقتاۋ ماقساتىندا داۋىس بەرەدى.

داۋىس بەرۋ 30 - قاراشاعا دەيىن جالعاسادى. وسىدان كەيىن سول سايتتاردا فەرەنتس پۋشكاش ناگراداسى يەگەرىن انىقتايتىن ساۋالناما باستالادى.

جەڭىمپازدىڭ اتى 11 - قاڭتاردا تسيۋريحتەگى فيفا شاراسىندا جاريالانادى. ۇزدىك گول ءۇشىن داۋىس بەرۋ شوۋ كەزىندە اياقتالماق. فەرەنتس پۋشكاش ناگراداسى وسىمەن جەتىنشى رەت ۇسىنىلادى. ول 50- جىلدارداعى ۆەنگريا قۇراماسىنىڭ كاپيتانىنىڭ قۇرمەتىنە وسىلاي اتالعان.

وسىعان دەيىن بۇل سىيلىققا كريشتيانۋ رونالدۋ، حاميت التىنتوپ، نەيمار، ميروسلاۆ ستوح، زلاتان يبراگيموۆيچ پەن حامەس رودريگەس قول جەتكىزدى.

سول شارادا ف ي ف ا التىن دوبىنىڭ يەگەرى مەن ايەلدەر اراسىنداعى 2015 - جىلعى الەمنىڭ ۇزدىك فۋتبولشىسىنىڭ ەسىمى بەلگىلى بولادى. سونداي- اق شوۋ كەزىندە ەرلەر جانە ايەلدەر قۇرامالارىنىڭ ۇزدىك باپكەرلەرى جاريا ەتىلمەك، دەپ جازدى ر ب ك.

1. الەسساندرو فلورەنتسي («روما»)

2. كارلي للويد (ا ق ش)

3. كارلوس تيەۆەس («يۋۆەنتۋس»)

4. دەۆيد بولل («فليتۆۋد»)

5. چوري كاسترو («رەال سوسەداد»)

6. ۆەندەللا («اتلەتيكو گويانەنسە»)

7. ليونەل مەسسي («بارسەلونا»)

8. فيليپپ مەكسەس («ميلان»)

9. مارسەل ندجەنگا («پادەربورن»)

10. ەستەبان راميرەس («ەرەديانو»).