18:03, 06 - قاراشا 2015 | GMT +5
ن. نازاربايەۆ ب ۇ ۇ- عا يادرولىق قارۋسىز الەمگە قول جەتكىزۋ جونىندەگى جالپىعا بىردەي دەكلاراتسيا قابىلداۋدى ۇسىندى
پاريج. استانا - ق ر پرەزيدەنتى نۇرسۇلتان نازاربايەۆ بىرىككەن ۇلتتار ۇيىمىنا يادرولىق قارۋسىز الەمگە قول جەتكىزۋ جونىندەگى جالپىعا بىردەي دەكلاراتسيا قابىلداۋدى ۇسىندى.
ول مۇنداي مالىمدەمەنى بۇگىن يۋنەسكو-نىڭ باس كونفەرەنسياسىنىڭ 38- سەسسياسىندا جاسادى.
«ادامزاتتىڭ ەڭ ماڭىزدى مىندەتتەرىنىڭ ءبىرى - يادرولىق قارۋسىز الەم ورناتۋ. وسىعان بايلانىستى، ءبىز ب ۇ ۇ- عا يادرولىق قارۋسىز الەمگە قول جەتكىزۋ تۋرالى جالپىعا بىردەي دەكلاراتسيا قابىلداۋدى ۇسىنامىز»، - دەدى ن. نازاربايەۆ.
سونىمەن قاتار، ەلباسى سەمەي يادرولىق پوليگونىن جابۋ تۋرالى جارلىققا قول قويىلعاننان بەرى 25 جىل وتكەنىن اتاپ ءوتىپ، بۇل فاكتى يادرولىق قارۋسىز الەمگە قول جەتكىزۋ ءۇشىن الەم قاۋىمداستىعىنىڭ كۇشىن بىرىكتىرۋگە نەگىزگى سەبەپ بولا الاتىنىن ايتتى.
