تۇماۋدىڭ العاشقى بەلگىلەرى بايقالا باستاعاندا

استانا. قازاقپارات - قىس مەزگىلىندە تۇماۋمەن سىرقاتتانۋ قاۋىپى جوعارى بولعاندىقتان دا، نازارلارىڭىزعا اتالعان دەرتكە شالدىقپاي، ونىڭ الدىن الۋ ادىستەرىن ۇسىنعاندى ءجون سانادىق.

1. تۇماۋدىڭ العاشقى بەلگىلەرى بايقالا باستاعاندا پيازدىڭ باسىن كەسىپ، يىسكەڭىز. بۇل ءادىستى كۇنىنە كەم دەگەندە 3-4 رەت جاساۋ كەرەك.

2. ليموندى قابىعىمەن بىرگە ۋاقتاپ تۋراپ، ۇستىنە وسىمدىك مايىن قۇيىپ، كۇنىنە بىرنەشە رەت مۇرىنعا جاعىڭىز.

3. 1,5 ليتر قايناعان سۋ الىپ، وعان 1 اس قاسىق تۇز، 1 ليمون جانە 1 گرامم اسكوربين قىشقىلىن قوسىڭىز. بارلىعىن جاقسىلاپ ارالاستىرىپ، 1,5 ساعات سايىن ءىشىپ تۇرىڭىز.

4. 1 ليموندى 1 مينۋت قايناعان سۋعا سالىپ، كەيىن قابىعىمەن بىرگە ەتتارتقىشتان وتكىزىپ، 100 گرامم كىلەگەي مايىمەن جانە 1-2 اس قاسىق بالمەن ارالاستىرىڭىز. دايىن بولعان سوڭ ءار 2-3 ساعات سايىن 1 اس قاسىقتان تۇتىنىڭىز.

5. 4 اس قاسىق كەپتىرىلگەن بۇلدىرگەن جەمىسىنە 500 مل قايناعان سۋ قۇيىپ، 20 مينۋت كۇتىڭىز. جاتار الدىندا بىردەن 2 ستاقان ءىشىپ الىڭىز. مۇنداي بۇلدىرگەن تۇنباسىن (1 ستاقانعا 10 بۇلدىرگەن) تاماق اۋىرعان كەزدە دە ىشۋگە بولادى.

6. تۇماۋ مەن ءتۇرلى ۆيرۋستاردىڭ الدىن الۋ ءۇشىن كۇن سايىن سارىمساقپەن ءتىستى ىسقىلاۋ كەرەك.

massaget.kz