قازعارىش فرانسيانىڭ ۇلتتىق عارىشتىق زەرتتەۋ ورتالىعىمەن ىنتىماقتاستىق جونىندەگى دەكلاراتسياعا قول قويدى

استانا. قازاقپارات - قازاقستان رەسپۋبليكاسىنىڭ پرەزيدەنتى نۇرسۇلتان نازاربايەۆتىڭ فرانسياعا رەسمي ساپارى اياسىندا ق ر ي د م اەروعارىش كوميتەتىنىڭ ءتوراعاسى تالعات مۇسابايەۆ جانە فرانسيا رەسپۋبليكاسىنىڭ ۇلتتىق عارىشتىق زەرتتەۋ ورتالىعىنىڭ باسشىسى جان-يۆ لە گالل عارىش بويىنشا ىنتىماقتاستىقتى دامىتۋ سالاسىنداعى نيەتتەرى جونىندەگى دەكلاراتسياعا قول قويدى، دەپ حابارلادى قازعارىشتىڭ باسپا ءسوز قىزمەتىنەن.

«قۇجاتتا ق ر يدم اەروعارىش كوميتەتى مەن فرانسيانىڭ ۇلتتىق عارىشتىق زەرتتەۋ ورتالىعى اراسىنداعى ىنتىماقتاستىق بويىنشا كەلەسى قادامدارى جازىلعان. بۇگىندە فرانسۋز ارىپتەستەرىمىزبەن بىرلەسىپ جەردى قاشىقتىقتان زوندتاۋدىڭ عارىش جۇيەسىن قۇرۋ جانە عارىش اپپاراتتارىن جيناقتاۋ-سىناۋ كەشەنىنىڭ قۇرىلىسى بويىنشا ەكى ءىرى جوبانى جۇزەگە اسىرىپ جاتىرمىز»، - دەدى قازعارىش باسشىسى ءبىزدىڭ اگەنتتىك تىلشىسىنە بەرگەن شاعىن سۇحباتىندا.

رەسمي شارالار كەزىندە تالعات مۇسابايەۆ فرانسۋز عارىش كومپانيالارىنىڭ وكىلدەرىمەن عارىش سالاسىنداعى ىنتىماقتاستىقتى دامىتۋ ماسەلەلەرى بويىنشا ءبىرقاتار كەزدەسۋ وتكىزدى. سونىمەن قاتار «فرانسۋز يندۋسترياسىنىڭ كاپيتاندارى» دوڭگەلەك ۇستەلىنە قاتىستى»، - دەپ اتاپ ءوتتى قازعارىش باسپا ءسوز قىزمەتىندە.