بىرىككەن اراب امىرلىگىنىڭ كومپانياسى سولتۇستىك قازاقستانعا ينۆەستيتسيا سالماق
اتالعان كومپانيا باسشىلىعى تاياۋدا قازاقستاننان كەلدى. ولار استانادا وتكەن قازاقستاندىق-امىرلىك بيزنەس-فورۋمعا قاتىستى.
كەزدەسۋ بارىسىندا «Agthia Group» كومپانياسى س ق و اۋىل شارۋاشىلىعى سالاسىن ينۆەستيتسيالاۋدىڭ الەۋەتتى جوسپارلارى جايىندا ايتتى. ق ر ەلشىلىگى قازاقستاندىق وكىلدەرمەن بايلانىس ورناتۋعا جاردەم كورسەتۋگە ءازىر ەكەندىگىن ءبىلدىردى.
«AgthiaGroup» كومپانيا توبى - ب ا ءا اۋىل شارۋاشىلىعى مەن تاعام ونەركاسىبىندە كوشباسشى سانالادى. كومپانيا 2004 -جىلى قۇرىلعان.
2005 -جىلى كومپانيا ءابۋ-دابي قور بيرجاسى (AbuDhabiSecuritiesExchange, ADX) تىزىمىنە كىردى.
كومپانيا اكتسياسىنىڭ 49 پايىزعا جۋىعى ءتۇرلى جەكەمەنشىك ينۆەستورلارعا، 51 پايىزى - ءابۋ- دابي ۇكىمەتىنىڭ مەملەكەتتىك كومپانياسى «General Holding Corporation» حولدينگىنە تيەسىلى.
ب ا ءا- دان باسقا، كومپانيا مىسىردا، تۇركيادا ونىمدەرىن شىعارادى. كومپانيانىڭ 2 نەگىزگى ءونىم جەلىسى بار: اۋىل شارۋاشىلىعى ونىمدەرى (ۇن تۇرلەرى، جەم-ءشوپ)، تاعام ونىمدەرى (سۋسىن، اۋىز سۋ ەنەرگەتيكالىق سۋسىندار).
كومپانيا ونىمدەرى مىنا ەلدەردە ساتىلادى: گەرمانيا، يتاليا، رۋمىنيا، تۇركيا، ليۆان، كاتار، كۋۆەيت، باحرەين، ومان، پالەستينا، يوردانيا، يراك جانە ب ا ءا.
