كىمدەرمەن سالەمدەسۋگە بولمايدى؟

استانا. قازاقپارات.  ءبىر كۇنى ابدۋللا يبن ومار ءوز جولداسىنا كەلىپ:  - تۇر، بازارعا بارامىز، - دەيدى.  جولداسى تاڭدانىپ:

 - ەي، ومار! سەنىڭ مىنەزىڭدى جاقسى بىلەمىن. سەن بازار دەگەن نارسەنى جاقسى كورمەيسىڭ، وندا وتىرىك انت ەتىلەدى، تارازدان جەلىنەدى، جالعان ءسوز ايتىلادى، ءارى شايتاندىردىڭ كوپ جۇرەتىن جەرى. سەن نەگە بازارعا بارامىز دەپ قالدىڭ؟ - دەپ سۇرايدى.

سوندا ابدۋللا يبن ومار:
 - بازاردا ادامدار كوپ، سول جەرگە بارساق، سالەمدى دە كوپ بەرىپ، ساۋاپتى مول جينايمىز، - دەپ جاۋاپ بەرەدى.

مىنە، وسىلايشا مۇسىلماننىڭ ءبىر- بىرىمەن سالەمدەسۋى ساۋاپتى ىستەردىڭ قاتارىنا جاتادى. الايدا كەيبىر جاعدايلاردا كەيبىر ادامدارمەن سالەمدەسۋ مىندەت ەمەس. ولار:

1. كۇنالى ءىس جاساپ جاتقان ادام
 2. قۇران وقىپ وتىرعان
 3. ۋاعىز ايتىپ وتىرعان  
 4. قۇلشىلىق ۇستىندەگى ادام
 5. دارەت الىپ جاتقان  
 6. تاماق جەپ وتىرعان كىسى 
 ال ءاربىر مۇسىلمان اتالعان كىسىلەردەن وزگە تانيتىن- تانىمايتىن ادامداردىڭ بارلىعىمەن «اسسالاۋماعالەيكۋم» دەپ امانداسۋى ءتيىس. وسى تۇرعىدا حالقىمىزدىڭ بولار ەلدىڭ بالاسىن سالەمىنەن تانيسىڭ دەگەنىن ەستە ساقتاعان دۇرىس- اق.  

Alashainasy.kz